17:43 / 16.03.2020
3 380

Rossiya O‘zbekistondagi fuqarolarini maxsus bortlarda olib ketishga tayyorlanmoqda

Rossiya O‘zbekistondagi fuqarolarini maxsus bortlarda olib ketishga tayyorlanmoqda
Foto: Rossiya FVV
O‘zbekiston 16 mart kunidan e’tiboran jahonning barcha mamlakatlari bilan avia va avtomobil qatnovlarini to‘xtatdi.
Rossiyaning Toshkentdagi elchixonasi O‘zbekistonni tark etish istagida bo‘lgan fuqarolari uchun maxsus bortlar tashkil etish masalasini ko‘rib chiqmoqda. Bu haqda elchixona matbuot xizmati xabar berdi.

"Ayni vaqtda O‘zbekistondan Rossiya fuqarolarini olib chiqib ketish uchun maxsus bortlar tashkil etish masalasi ko‘rib chiqilmoqda. Buning uchun elchixona O‘zbekistonni tark etish istagida bo‘lgan fuqarolarning ro‘yxatini tuzadi", - deyiladi elchixona xabarida.

Eslatib o‘tamiz, O‘zbekistonda koronavirus yuqtirgan ilk bemor 15 mart kuni aniqlandi, u 11 mart kuni Fransiyadan kelgan o‘zbekistonlik ayol bo‘ldi. Kun oxiriga borib uning o‘g‘li va qiziga ham virus yuqqani tasdiqlandi. Shuningdek, 15 mart kuni soat 05:15da Istanbul—Toshkent yo‘nalishidagi 274-reys bilan Toshkentga kelgan yana bir O‘zbekiston fuqarosida koronavirus infeksiyasi aniqlangan.

16 mart kuni Sog‘liqni saqlash vazirligi O‘zbekistonda yana ikki kishida virus aniqlangani haqida xabar qildi.
O‘zbekiston 16 mart kunidan e’tiboran jahonning barcha mamlakatlari bilan avia va avtomobil qatnovlarini to‘xtatdi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Rossiya O‘zbekistondagi fuqarolarini maxsus bortlarda olib ketishga tayyorlanmoqda