16:56 / 05.04.2020
2 781

Nurmat Otabekov: «Klinik belgilar 95-97 foiz holatda 10-12 kundan keyin paydo bo‘lyapti»

Nurmat Otabekov: «Klinik belgilar 95-97 foiz holatda 10-12 kundan keyin paydo bo‘lyapti»
O‘zbekistonda koronavirus aniqlangan bemorlarda kasallikning klinik belgilari aksariyat hollarda o‘ninchi kundan boshlab namoyon bo‘lmoqda. Bu haqda bosh sanitariya inspektori Nurmat Otabekovga asoslanib, Kun.uz nashri xabar berdi.

«Kasallikning yashirin davri deganda virus organizmga tushgandan keyin klinik belgilar namoyon bo‘lgunga qadar davom etadigan muddat tushuniladi. Koronavirusning yashirin davri 14 kun deb belgilangan.

Tibbiy kuzatuvlarimizdan ma’lum bo‘lmoqdaki, qariyb 95-97 foiz holatlarda koronavirusning klinik belgilari virus yuqqandan keyingi 10-, 12-kunlarda namoyon bo‘lishni boshlayapti
», dedi Nurmat Otabekov 5 aprel kungi brifingda.

Ma’lumot uchun, koronavirusning asosiy klinik belgilari – tana haroratining ko‘tarilishi, quruq yo‘tal va nafas qisishi hisoblanadi.
Nurmat Otabekov koronavirus bemor tanasida jiddiy asoratlar qoldirishi haqidagi mish-mishlarni rad etdi.

«Turli tasdiqlanmagan manbalarda koronavirusdan davolangandan so‘ng miya yemirilishi, bepushtlik kabi asoratlar qoladi, degan ma’lumotlar tarqamoqda. Bularning barchasi asossiz. Kasallikning tibbiy patogenezi bilan tanishmagan holda bunday gaplarni tarqatmaslikni so‘rardim», deya ta’kidladi bosh sanitariya inspektori.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Nurmat Otabekov: «Klinik belgilar 95-97 foiz holatda 10-12 kundan keyin paydo bo‘lyapti»