O‘zbekistonda koronavirusdan tuzalganlarning umumiy soni 1066 nafarga yetdi

^{Foto: Sog‘liqni saqlash vazirligi}
Toshkent Epidemiologiya, mikrobiologiya va yuqumli kasalliklar ilmiy-tekshirish instituti klinikasidan 4 nafar, Toshkent tibbiyot akademiyasi ko‘p tarmoqli klinikasidan 3 nafar, jami 7 bemor butkul sog‘aydi. Bu haqda Sog‘liqni saqlash vazirligi xabar qildi.

Ular Sog‘liqni saqlash vazirligi mas’ullari ishtirokida Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markaziga kuzatilgan.

Jumladan, Epidemiologiya, mikrobiologiya va yuqumli kasalliklar ilmiy-tekshirish instituti klinikasida sog‘ayganlarning 2 nafari Toshkent shahridan, Buxoro va Toshkent viloyatlaridan 1 nafardan. 3 nafari Rossiyadan kelgan va karantinga olingan, kasallik aniqlangach, mazkur klinikaga yotqizilgan. 1 nafari esa koronavirus infeksiyasiga chalinganlar bilan muloqotda bo‘lib, kasallikni yuqtirib olgan.

Klinikada tuzalganlarning 2 nafari erkak, 2 nafari ayol bo‘lib, eng yoshi kattasi 76 da bo‘lsa, eng kichigi 38 yoshda.
Toshkent tibbiyot akademiyasi ko‘p tarmoqli klinikasida tuzalganlarning barchasi Toshkent shahridan. Jumladan, 11 yoshli va 2 yoshli qizaloqlar hamda 32 yoshli erkak koronavirus infeksiyasiga chalinganlar bilan muloqot orqali kasallikni yuqtirib olgan.

Toshkent shahrida avval 313 nafar bemor sog‘aygan bo‘lsa, endilikda ularning soni 320 nafarga yetgan.
Shu tariqa 29 aprel soat 16:10 holatiga ko‘ra, 74 nafar bemor tuzalib, O‘zbekistonda COVID-19 koronavirus infeksiyasidan butunlay sog‘ayganlar 1066 nafarga yetdi. “Zamin” yangiliklarini “Odnoklassniki”da kuzatib boring