Bugun yangi holatlar uchta hududda - Toshkent shahri, Samarqand va Namangan viloyatlarida qayd etildi. SSV matbuot xizmati rahbari Furqat Sanayevning telegramdagi kanalida bemorlar qayd etilishi va sog‘ayishi bo‘yicha ko‘rsatkichlar jadvalini keltirdi.
58ta yangi kasallanish holatining 21tasi aholi orasida qayd etilgan.
Xususan, Toshkent shahrida jami 11ta yangi holat aholi orasida qayd etilgan, ularning ikkisi avvalroq «O‘rikzor» bozorida koronavirus aniqlangan sotuvchining farzandlaridir. Bugun Toshkentda 44 bemor tuzaldi.
Shu vaqtgacha poytaxtda 1604ta holat qayd etilgan, bemorlarning 1063 nafari davolanib chiqqan, 6 kishi vafot etgan, ayni vaqtda shahardagi shifoxonalarda 541 nafar bemor davolanmoqda.
Samarqand viloyatida aholi orasida 8 kishiga koronavirusdan zararlanish tashxisi qo‘yilgan. Bugun viloyatda 9 nafar bemorga javob berildi.
O‘zbekiston bo‘yicha eng og‘ir vaziyat saqlanib turgan hududlardan bo‘lmish Samarqandda shu vaqtgacha 360ta zararlanish holati qayd etilgan, bemorlarning 274 nafari davolanib chiqqan, 2 kishi vafot etgan. Viloyatda so‘nggi kunlarda uzluksiz yangi holatlar qayd etilmoqda.
Namangan viloyatida bemorlar soni 2 nafarga o‘sdi, To‘raqo‘rg‘on tumanida yangi kasallanish holatlari qayd etilgan.
Viloyatda shu vaqtgacha 258ta holat qayd etilgan - shundan 155tasi Namangan shahrida. Shuningdek, Namangan tumani (49), Uychi tumani (28), Uchqo‘rg‘on tumani (12), Norin tumani (5), Yangiqo‘rg‘on tumani (4), Pop tumani (2), Chust tumani (1)da kasallanish holatlari qayd etilgan. Kosonsoy, Mingbuloq va Chortoq tumanlarida shu vaqtgacha kasallanish holatlari qayd etilmagan.
Viloyatdagi bemorlarning 247 nafari tuzalib bo‘lgan (96 foiz), ayni vaqtda shifoxonalarda 7 bemor davolanmoqda.
Bugun qayd etilgan holatlarning yana 33tasi karantin muassasalarida aniqlangan - so‘nggi kunlarda Rossiyaning Moskva va Sankt-Peterburg shaharlaridan reyslar orqali olib kelingan, shuningdek Rossiyadan Qozog‘iston orqali va Qozog‘istonning o‘zidan kelgan fuqarolarga virusga chalinish tashxisi qo‘yilgan.
Jumladan, 27 may kuni Rossiyadan kelgan 2, 28 may kuni 1 nafar Qozog‘iston va yana 1 nafari Sirdaryo viloyatigi «Guliston» chegara posti orqali kirib kelgan xalqaro yuk tashuvchi avtomashina haydovchilarida tasdiqlandi.
Shu vaqtgacha kasallikka chalingani qayd etilgan 3546 kishidan 2783 nafari sog‘ayib, davolanish darajasi 78 foizni tashkil etmoqda. 749 nafar bemor yurtimizning 7 hududidagi tibbiyot muassasalarida davolanishmoqda. Ulardan 6 nafari og‘ir, 1 nafari esa o‘ta og‘ir ahvolda.
Bugun mamlakatda jami 1379 kishi uy karantiniga olindi, 698 kishi uy karantinidan chiqarildi.
Shuningdek, 1267 kishi statsionar karantinga olinib, 1479 kishi o‘z uyiga kuzatildi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Damas uchun onlayn kontraktatsiya ochiladi
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Futzal. Osiyo Kubogi. Tojikiston Yaponiyani guruhda qoldirdi
Amerikalik olimlar barcha uchun birdek foydali jismoniy faollik turini aniqladi
O‘zbekistonda o‘tgan uch oyda qancha avtomobil ishlab chiqarilgan?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
