IIV Chilonzorda ichki ishlar xodimlari va fuqarolar o‘rtasida yuz bergan holat bo‘yicha ma’lumot berdi

^{Foto: Videodan kadr}
IIV ijtimoiy tarmoqlarda Chilonzor tumanida militsiya xodimlari fuqaroni avtobusga olib chiqishga urinishayotgani bo‘yicha tarqalgan video yuzasidan ma’lumot berdi.

Qayd etilishicha, joriy yil 1 iyun ertalab soat taxminan 04:30larda Toshkent viloyatining Zangiota tumani hududidan o‘tuvchi Toshkent halqa yo‘li chekkasidagi “Toshkent” savdo majmuasi va “Do‘stlik” buyum bozorlari tashqarisida viloyat soliq organlari tomonidan o‘rnatilgan tartibga zid ravishda noqonuniy savdo ishlari bilan shug‘ullanayotgan fuqarolarni aniqlash va ularga nisbatan tegishli chora ko‘rish ishlari amalga oshirilgan.

IIV axborot xizmati ma’lumotida aytilishicha, shu vaqtda bir qator fuqarolar tomonidan norozilik bildirilgan, shunda jamoat tartibini saqlash maqsadida hududga viloyat IIBB patrul-post xizmati xodimlari jalb qilingan.

Ta’kidlanishicha, hozirda mazkur hududda jamoat tartibi tiklanib, noqonuniy harakatlarga barham berilgan.
Holat yuzasidan tekshiruv ishlari amalga oshirilib, uning yakuni bo‘yicha qo‘shimcha axborot berilishi ma’lum qilindi. “Zamin” yangiliklarini “Odnoklassniki”da kuzatib boring