Foto: «O‘zA»
Respublika shoshilinch tibbiy yordam ilmiy markazi viloyat filiali shifokorlari pnevmatik miltiqdan otilgan yakkabog‘lik 20 yoshli qizning hayotini asrab qoldi. Bu haqda Qashqadaryo viloyati sog‘liqni saqlash boshqarmasi axborot xizmati xabar bergan.
Ma’lum bo‘lishicha, o‘q bemor Ch.S.ning o‘ng yelkasidan kirib, ko‘krak qafasi o‘ng tomonidan o‘tib borib, o‘ng o‘pkaning yuqori bo‘lagini teshib o‘tib, yurakning perikard qavatida to‘xtagan. Murakkab tarzda kechgan jarrohlik amaliyoti muvaffaqiyatli yakunlanib, o‘q olib tashlandi. Ayni paytda bemorning ahvoli qoniqarli.
Jarrohlik amaliyotini filialning malakali shifokorlari Olim Shomurodov, Sherbek Yaxshiboyev hamda O‘ral Shaminov amalga oshirdi.
Viloyat ichki ishlar boshqarmasi axborot xizmatining xabar berishicha, 2020 yil 6 iyun kuni soat 21 atrofida Yakkabog‘ tumanida yashovchi fuqaro Q.S o‘rtoqlari bilan birga Yakkabog‘ tumanida joylashgan fermer xo‘jaligining baliq yetishtiriladigan ko‘liga borib, u yerda pnevmatik miltiqdan ko‘ldagi o‘rdaklarni ovlash maqsadida o‘q uzgan, so‘ng spirtli ichimlik iste’mol qilib, mast holatda 50 metr uzoqlikdagi ko‘l bo‘yida joylashgan dala shiyponi oldida turgan, unga oldindan tanish bo‘lmagan fuqaro Ch.S.ni miltiq durbinidan kuzatmoqchi bo‘lib, tepkini bosib yuborgan. Oqibatda miltiq o‘qi fuqaro Ch.S.ning o‘ng yelkasiga borib tekkan va unga hayot uchun xavfli bo‘lgan og‘ir shikast yetkazgan.
Mazkur holat yuzasidan Yakkabog‘ tumani IIB huzuridagi tergov bo‘limi tomonidan Q.S.ga nisbatan Jinoyat kodeksining tegishli moddasi bilan jinoyat ishi qo‘zg‘atilib, dastlabki tergov harakatlari olib borilmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Nega Tramp Zelenskiyni yomon ko‘radi?
Xotirani yaxshilashning juda oddiy usuli topildi
AQSH razvedkasi: Ukraina 2024 yil oxirigacha urushda yutqazishi mumkin
Sirdaryoda budjetga juda ko‘p miqdorda zarar yetkazgan mayning ferma aniqlandi