19:55 / 13.06.2020
930

Tadbirkor foydasiga 109 mln. so‘mdan ortiq qarzdorlik undirib berildi

Tadbirkor foydasiga 109 mln. so‘mdan ortiq qarzdorlik undirib berildi
Urganch tumanlaraaro iqtisodiy sudining ijro varaqasiga asosan, qarzdor “AR LOGISTICS VEGETABLES” MCHJdan undiruvchi “GOLD GRAND ICE-CREAM” MCHJ foydasiga jami 109 mln. 729 ming so‘m qarz undirish yuzasidan ijro ishi MIB Urganch tuman bo‘limida mavjud edi.

Mazkur ijro hujjati bo‘yicha davlat ijrochisi tomonidan O‘zbekiston Respublikasi “Sud hujjatlari va boshqa organlar hujjatlarini ijro etish to‘g‘risida”gi Qonunining 23-moddasiga asosan, ijro ishi yuritish qo‘zg‘atilgan. Qarzdor jamiyatga bo‘lim tomonidan berilgan ixtiyoriy muddat o‘tdi. Lekin qonun talablari asosida qarzdorlik undiruvchiga muddatida to‘lanmadi.

Davlat ijrochisi tomonidan majburiy ijro harakatlariga kirishildi. Majburiy ijro harakatlari davomida qarzdorga tegishli bo‘lgan mol-mulklar xatlandi.

Qarzdor tomonidan 109 mln. 729 ming so‘m qarzdorlikni bartaraf etilib, undirilgan pul mablag‘lari undiruvchi “GOLD GRAND ICE-CREAM” MCHJ ning hisob raqamiga o‘tkazib berildi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)