Foto: Videolavhadan skrinshot
Ijtimoiy tarmoqlarda Sergeli tumanining Choshtepa mavzesida ommaviy mushtlashuv yuz berganiga oid lavha tarqaldi. Unga ko‘ra, shu yerda ko‘p qavatli uylar qurayotgan firma ishchilari o‘rtasida kelib chiqqan nizo «musht ketdi»ga aylanib ketgan.
Ayni xabarni tasdiqlagan Bosh prokuratura matbuot xizmati rahbari Hayot Shamsutdinov tarmoqda tarqalgan xabarlarga bir qadar oydinlik kiritdi. Uning ma’lum qilishicha, voqelik shu yilning 16 iyul kuni Sergeli tumani Yangi Choshtepa mahallasining O‘zar ko‘chasida kech soat 19.20 chamasida yuz bergan. Janjal «OOO Silver Tulip»ning (ko‘p qavatli uylar qurayotgan korxona) ikki nafar bo‘yoqchisi o‘rtasida ish quroli («shpatel») talashishidan kelib chiqqan. Ular o‘rtasidagi «dahanaki jang» (uyatsiz so‘zlar, haqoratlar) yoqalashish darajaga borgach, janjalga boshqa ishchilar ham aralashib ketadi. Jarayon shu hududdagi ko‘p qavatli uylarda istiqomat qiluvchi H. M. (1992 yilda tug‘ilgan) tomonidan uyali telefonga yozib olinib, internet tarmog‘iga chiqarib yuborilgani aniqlandi.
Voqea joyiga ichki ishlar xodimlari yetib kelib, janjalning asosiy sababchilari va ishtirokchilari qo‘lga olingan. Va ularga (jami besh nafar) nisbatan ma’muriy huquqbuzarlikka oid hujjat rasmiylashtirilib, mazmunan ko‘rib chiqish uchun sudga yuborilgan.
Sergeli tuman ma’muriy sudining qarori (17 iyul) bilan «OOO Silver Tulip»ning besh nafar ishchisiga (bezorilik xatti-harakatlari sodir etgani uchun) nisbatan har biriga 10 sutka ma’muriy qamoq jazosi tayinlangan.
Bosh prokuratura mas’uli quruvchi tashkilot — «OOO Silver Tulip» Toshkent shahar hokimi J.Ortiqxo‘jayevga tegishli-tegishli emasligi masalasida ma’lumoti yo‘qligini ta’kidladi. Aytdiki, qurilish tashkiloti 12 ta brigadadan iborat bo‘lib, 439 nafar ishchi va 33 nafar qorovul ishlaydi. Ular bilan korxona rahbari ishtirokida tezkor-profilaktik suhbat o‘tkazilib, barchasi («o‘pkangni bosib yurlaring!» mazmunida — tahr.) rasman ogohlantirildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
