21:00 / 08.08.2020
1 839

Rahmat Mamatov, Azizbek Ikromov va Botir Parpiyevga hayfsan berildi

Rahmat Mamatov, Azizbek Ikromov va Botir Parpiyevga hayfsan berildi
Rahmat Mamatov, Azizbek Ikromov va Botir Parpiyev
Foto: Kun.uz

Vazirlar Mahkamasida bosh vazir Abdulla Aripov raisligida videoselektor yig‘ilishi bo‘lib o‘tdi. Unda Mahalla va oilani qo‘llab-quvvatlash vazirligi faoliyati tanqidiy muhokama qilindi.

Kun.uz xabariga ko‘ra, yig‘ilishda tizimdagi mavjud muammo va kamchiliklarni bartaraf etish masalalari ham ko‘rib chiqildi.
Ishda yo‘l qo‘ygan kamchiliklari uchun Mahalla va oilani qo‘llab-quvvatlash vaziri Rahmat Mamatov, vazir o‘rinbosarlari Azizbek Ikromov va Botir Parpiyevga hayfsan e’lon qilindi.

Avvalroq, bosh vazir raisligida videoselektor o‘tkazilayotgani, ayrim mahallalar raislari keskin tanqid qilingani xabar berilgandi.
Hukumat rahbari moddiy yordam va ko‘makka muhtoj oilalarga respublika budjetidan ajratilgan bir martalik moddiy yordam pullarini tarqatishda sustkashlikka yo‘l qo‘ygan ayrim mahallalar raislarining qilmishini keskin tanqid qildi.

Bosh vazir buni hech qaysi mezon bilan oqlab bo‘lmasligini ma’lum qilgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)