Ijtimoiy tarmoqlar orqali muntazam ma’lum qilib (to‘g‘rirog‘i, maqtanib) turgani uchunmi, san’atkorlar (uzr, nisbat biroz oshib ketdi) har kuni nimalar bilan mashg‘ul ekani borasida ko‘pchilik yetarlicha tassavurga ega.
Tarmoqda o‘zi qoldirgan xabar sabab xonanda Munisa Rizayeva karantin yumshatilishi hamono Andijonga xizmatga ketgani ayon bo‘lgandi.
Bugun u Andijonda viloyat hokimi Shuhrat Abdurahmonov oilasi xizmatida bo‘lgani oydinlashdi. Ya’nikim, hokim kichik qizi 19 yoshga to‘lishi munosabati bilan kattagina (aftidan 30 kishidan ko‘p!) tadbir uyushtiribdi. Va unga serxaridor va «stavkasi baland» ekani aytiladigan Munisani xizmatga taklif qilibdi. Har holda, bugun ijtimoiy tarmoqlarda tarqalgan lavha va suratlar shunga dalolat qiladi.
Albatta, hokim ham ota, farzandi xursand bo‘lishini xohlaydi. Biroq u birinchi navbatda rahbar! Rahbar esa, nainki xizmat faoliyati, balki shaxsiy hayotida ham kamtar-u kamsuqumligi bilan boshqalarga ibrat bo‘lishi kerak. Bugungi qiyin va og‘ir sharoitda ko‘p odamlar kunlik yemish topishda muammoga duch kelayotgani sir emas. Shunday pallada Andijon viloyat hokimi katta «bazmi jamshid» uyushtirishi sog‘lom aqlga sig‘adimi?! Aytishlaricha, bu tadbirda tug‘ilgan kun sohibasiga «Jentra» ham sovg‘a qilingan.
Shuhrat Abdurahmonov xalqparvar rahbar ekanini o‘zgalardan ko‘ra uning o‘zi ko‘proq ta’kidlaydi. Bunday ta’kid ohanglari uning ommaviy axborot vositalari xodimlari bilan bo‘lgan suhbatida bo‘rtib qoladi, ayniqsa!
Bunday da’vo va iddaolar gap bilan emas, amaliy harakatlar bilan isbot etiladi. Oila davrasida nishonlanadigan sanaga poytaxtdan falon dollarga (qo‘shiqchilar «soqqa»ni «ko‘ki»da oladi, odatda) qo‘shiqchi chaqirib, dabdabayu-as’asa bilan nishonlash esa iddaosi baland hokimga (juda yumshoq aytganda) obro‘ olib kelmasligi barobarida, uning xalq oldidagi mas’uliyatini nechog‘liq his etishini ham katta savol ostiga qo‘yadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Toshkentda 02 kodli avtoraqamlar taxminan qachon paydo bo‘lishi aytildi
O‘zbekistonda o‘tgan uch oyda qancha avtomobil ishlab chiqarilgan?
Eron prezidenti jiddiy bayonot berdi: «Isroildan hech narsa qolmaydi»
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Qaysi kundalik odatlar immunitet pasayishiga olib kelishini bilasizmi?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
