Ming afsuslar bo‘lsinki, bugungi jamiyatimizda oilaviy ajrimlar bilan bog‘liq masalalar tez-tez qulog‘imizga chalinib turishi odatiy xolga aylanib bormoqda. Oila mustahkamligi jamiyatimiz faravonligini ta’minlaydi. Shunday ekan oilaviy ajrimlarni oldini olish, farzandlarning ota-onasi bag‘rida barkamol voyaga yetib ulg‘ayishiga e’tibor qaratish jamiyatimiz oldiga turgan muhim vazifalardan biridir.
Bu borada Majburiy ijro byurosi tomonidan ham sezilarli darajada ijobiy ishlar amalga oshirilib kelinmoqda.
Xususan, Byuroning Angor tuman bo‘limi ish yurituviga aliment undiruvi bilan bog‘liq kelib tushgan ijro hujjati yuzasidan davlat ijrochisi tomonidan olib borilgan tushuntirish targ‘ibot ishlari natijasida ushbu oila bir nafar farzandining taqdiriga befarq emasligini bildirib, o‘zaro yarashish istagini bildirishdi. Bu kabi xayrli ishdan barchaning ko‘ngli birdek mamnun.
Shuningdek, oila butligini saqlab qololmagan bo‘lsada voyaga yetmagan farzandlarning moddiy ta’minotiga befarq bo‘lmagan otalar xam ko‘plab uchrab turadi.
Majburiy ijro byurosining Muzrabot tuman bo‘limi ish yurituvida bo‘lgan fuqarolik ishlari bo‘yicha Qumqo‘rg‘on tumanlaroro sudining 2014 yil 12 iyundagi ijro varaqasiga asosan qarzdor S.Qurbonovdan undiruvchi Sh.Qurbonova foydasiga voyaga yetmagan ikki nafar farzandlarining moddiy ta’minoti uchun taraflar o‘zaro kelishgan holda 2022 yil 1 yanvargacha bo‘lgan 5 million so‘m aliment pullari oldindan to‘lab berdi.
Aliment pullarini o‘z vaqtida to‘lamagan otalarga esa qonuniy choralar qo‘llanib kelinmoqda. Bunga birgina misol Byuroning Termiz tuman bo‘limi ish yurituvida bo‘lgan ijro hujjatiga asosan, D.Rajapovdan bir nafar voyaga yetmagan farzandining ta’minoti uchun ish haqi va boshqa daromadlarining 1/4 qismi miqdoridagi aliment undirish belgilangan bo‘lsada, D.Rajapov 2020 yil iyul oyiga qadar qadar 5 million so‘mdan ortiq aliment pullarini o‘z vaqtida to‘lamaganligi sababli, unga nisbatan sud tomonidan 15 sutka ma’muriy qamoq jazosi tayinlandi.
Kech bo‘lsada mas’ulyatini anglab yetgan ota 4 million so‘m aliment pullarini to‘lab berdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
AQSHning Suriyadagi harbiy bazasiga raketalar hujum qildi
Damas uchun onlayn kontraktatsiya ochiladi
O‘zbekistonda o‘tgan uch oyda qancha avtomobil ishlab chiqarilgan?
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
Vladimir Putin «Krokus»da sodir etilgan terakt uchun o‘ch olishga chaqirdi
