(Voqeiy hikoya)
Azhar ulamolaridan biri ko‘chaga yumush uchun kamdan-kam chiqar, faqat ishga - Azharga borib kelar, qatnaydigan yeri uy - masjid, uy - Azhar edi. Bir kuni shom namoziga biroz fursat qolganda ko‘ngli atrofni kezishni tusadi va mahalla chetidagi izvoshchilardan birini to‘xtatib:
- Meni biroz kezdir, - dedi.
Yo‘lda atrofni tomosha qilib ketarkan:
- Shom yaqinlashdi, biror masjid yonida tushir, - dedi izvoshchiga.
Izvoshchi shum odam edi. Qohira ko‘chalaridan biridagi islovotxonalardan biri oldida to‘xtab:
- Anavi yerda masjid bor ekan, sahnida kursi ham bor, - dedi!
Ba’zi mahalla masjidlari tashqaridan masjidligi sezilmaydi. Bu ham shunday masjidlardandir, deb o‘ylab olim islovotxona sahnidagi kursiga cho‘kib, shom azonini kuta boshladi.
Kun botdi, azondan darak yo‘q. Shu payt bir ayol islovotxonaga keldi. Kursida o‘tirgan salobatli shayxni ko‘rib, iymanib sahnning orqarog‘iga o‘tib, uning ketishini kuta boshladi.
Olim azon aytilavermagach, ayolga o‘girilib:
- Qizim, shom vaqti qisqa, muazzin ham kelmadi. Kel, orqada tur, ikkimiz jamoat bilan o‘qiymiz, - dedi.
Ayol lol bo‘lib qoldi. Nima deyishni bilmas, olimga qanday javob qaytarishga hayron edi.
Ayolning indamay turganini ko‘rgan olim uni ayollardagi uzrli holda bo‘lsa kerak, deb o‘ylab:
- Yo‘qsa, pokiza emasmisan, qizim? - dedi.
Bu gap ayolga juda qattiq ta’sir qildi. Qalbining tub-tubiga cho‘kib ketgan iymonni qo‘zg‘ab yubordi, ustini buzuqlik mog‘ori qoplagan iffatini silkitdi...
O‘pkasi to‘lib, ko‘zidan yosh otilganicha o‘zini olim oyog‘i ostiga otdi...
- Men...men... - dedi yig‘lagancha... Keyin bu yerning qanday joy ekanini olimga anglatdi...
Olim sodiq tavba qilgan bu ayolni Azharning ayollar bo‘limiga boshlab ketdi..
* * *
Subhanalloh..
Bu voqeiy ajib hikoyadan bir qancha ibrat olsak arziydi..
Jamoat namozi barakasi.
Hidoyat nuri fazilati.
Yaxshilarga yaqin bo‘lish xislati.
Qalb namozga bog‘langan bo‘lishi xosiyati.
Chin tavbaning katta gunohlarni ham yuvib yuborishi...
Sayfulloh Nosir
Manba: Azon.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»
Toshkentda 02 kodli avtoraqamlar taxminan qachon paydo bo‘lishi aytildi