2 906
Rossiya jamg‘armasi O‘zbekistonga koronavirusga qarshi 35 million doza vaksina yetkazib berish bo‘yicha kelishuvga erishdi
Foto: EPA
Rossiya to‘g‘ridan-to‘g‘ri investitsiyalar fondi (RTIF) va LAXISAM farmatsevtika kompaniyasi O‘zbekistonga 35 million doza «Sputnik V» vaksinasini yetkazib berish bo‘yicha kelishib oldi. Bu haqda fond matbuot xizmatiga tayanib, «RBK» xabar berdi.
«O‘zbekistondagi nazorat organlari tomonidan ruxsat berilgach, 2020 yilda respublikaga 10 million dozagacha, 2021 yilda esa yana 25 million doza vaksina yetkazib berilishi mumkin», — deyiladi RTIF matbuot xizmati axborotida.
RTIF rahbari Kirill Dmitriyevning ta’kidlashicha, ushbu vaksinaning yetkazib berilishi bilan O‘zbekiston tibbiyot xodimlari koronavirusga qarshi kurashda «ilg‘or vosita»ga ega bo‘ladi, bu esa o‘z navbatida uzoq muddatli immunitetni shakllantirish va fuqarolar xavfsizligini ta’minlash imkonini beradi.
LAXISAM 1994 yilda asos solingan oilaviy kompaniya bo‘lib, 1995 yildan boshlab asosiy faoliyat yo‘nalishi farmatsevtika mahsulotlari importi hisoblanadi. 2012 yildan ishlab chiqarish faoliyatini ham yo‘lga qo‘ygan.
Korxona va tashkilotlarning yagona reyestri ma’lumotlariga ko‘ra, LAXISAM kompaniyasiga Shavkat Anvarovich Alimuhamedov rahbarlik qiladi; kompaniyaning 46,20 foizi Maktuba Hidoyatovna Ismoilovaga, 26,90 foizi Sayyora Shavkatovna Ismoilova va 26,90 foizi Hilola Shavkatovna Hasanovaga tegishli.
LAXISAM muassisligida 2011 yilda LAXISAM Pharmaceuticals kompaniyasi tashkil etilgan bo‘lib (ushbu kompaniyaning 93,90 foizi LAXISAM’ning o‘ziga tegishli), unga Ahmad Toshmuhamedov rahbarlik qiladi. Kompaniyaning qolgan 6,10 foizlik ulushi Shavkat Ismoilovga tegishli.
Eslatib o‘tamiz, Rossiyaning Gamaleya instituti tomonidan yaratilgan koronavirusga qarshi ikki komponentli vaksina 11 avgust kuni vaqtinchalik ro‘yxatdan o‘tish guvohnomasini olgan. Vaksina to‘liq samaradorlik tadqiqotini o‘tkazish sharti bilan ro‘yxatdan o‘tkazilgan va guvohnoma 2021 yil 1 yanvarga qadar amal qiladi. Vaksina «Sputnik V» deb nomlangan.
Vaksinani yaratish va tadqiq qilish ishlarini moliyalashtiruvchi Rossiyaning to‘g‘ridan-to‘g‘ri investitsiyalar jamg‘armasi rahbari Kirill Dmitriyev Rossiyada koronavirusga qarshi ommaviy emlash 2020 yil oktabr oyidan boshlanishini aytgandi.
Shuningdek, «Rospotrebnadzor»ning «Vektor» davlat ilmiy markazi tomonidan ishlab chiqilgan koronavirus infeksiyasiga qarshi ikkinchi vaksina klinik sinovlarining ikkinchi bosqichi yakuniga yetkazilishi bilan guvohnomaga ega bo‘lishi mumkinligi xabar qilingandi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»
Toshkentda 02 kodli avtoraqamlar taxminan qachon paydo bo‘lishi aytildi