Joriy haftada Toshkent shahri va viloyatidagi 17 ta AYOQS faoliyati qisqa muddatga to‘xtatildi. Bu haqda Turizmni rivojlantirish davlat qo‘mitasi boshqarma boshlig‘i o‘rinbosari Muhayyo Hayitova ma’lum qildi.
Hukumat qarori bilan, hojatxonasi bo‘lmagan yoki belgilangan talablarga javob bermaydigan AYOQSlar faoliyati taqiqlangan. Ko‘zlangan maqsad – turizm infratuzilmasini yaxshilash. Shu yil 1 martdan kuchga kirishi belgilangan bu talab ijrosi kechiktirilib, 1 sentabrga surilgan edi.
Muhayyo Hayitovaning so‘zlariga ko‘ra, respublikadagi AYOQSlarda sanitariya-gigiyena shoxobchalari barpo etilishini nazorat qilish bo‘yicha maxsus ishchi guruh tuzilgan. Guruh avtomobillarga gaz va benzin quyish stansiyalaridagi sanitariya masalalarini o‘rganish va chora ko‘rish bilan shug‘ullanadi.
«3–5 noyabr kunlari olib borilgan o‘rganishlar davomida respublika va hududiy ishchi guruh a’zolari Toshkent shahri va Toshkent viloyatidagi 30ga yaqin AYOQSga bevosita tashrif buyurishdi hamda ularning 17tasida qaror talablari bajarilmagani uchun faoliyatini qisqa muddatga to‘xtatish choralari ko‘rildi», – dedi Turizm qo‘mitasi rasmiysi.
Hayitova bu haqda 6 noyabr kuni, Toshkent shahri va Toshkent viloyatidagi eng namunali AYOQSlarni taqdirlash marosimida aytib o‘tdi. U ushbu shoxobchalarni namunali ko‘rinishga keltirish bo‘yicha qilinayotgan ishlar haqida ham ma’lumot berdi.
«Dastlab o‘rganish ishlarini boshlaganimizda atigi 400 dona namunali AYOQSHlar mavjud edi. Hozirda 3000dan oshig‘i namunali darajaga yetdi. Bunda nafaqat sog‘lom insonlarga, balki imkoniyati cheklanganlarga ham ahamiyat berilgan. Ular uchun chiqish yo‘lkalari qurilgan, o‘tirgichlar o‘rnatilgan.
Tadbirkorlarga faqat gaz yoki benzin sotish bilan to‘xtab qolmasdan, o‘ziga tegishli AYOQSHda bir necha turdagi tadbirkorlik bilan shug‘ullanishiga ham imkoniyat yaratilmoqda.
Aholi va sayyohlarga qo‘shimcha xizmat ko‘rsatish borasidagi faoliyatini namunaviy tarzda yo‘lga qo‘ygan AYOQSlar taqdirlash va rag‘batlantirish uchun tavsiya qilindi», – dedi u.
Tadbirda qayd etilishicha, maxsus ishchi guruh tadbirkorlarga aholi va sayyohlar uchun sharoit yaratish borasida tavsiyalar berib kelmoqda.
Toshkent shahri va Toshkent viloyatida o‘tkazilgan o‘rganishlar yakunida 6 ta eng yaxshi AYOQS aniqlanib, taqdirlandi. Ularga «Quality servis» sertifikatlari topshirildi.
Rasmiylarga ko‘ra, bu – shu yo‘nalishdagi ilk taqdirlash tadbiri bo‘lib, kelgusida Qoraqalpog‘iston va barcha viloyatlardagi stansiyalar faoliyati ham muntazam o‘rganiladi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Eron Isroilga hujum uyushtirdi. Endi urush boshlanadimi?..
Mojarodan so‘ng Ukrainani nima kutayotgani ma’lum bo‘ldi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Buxoro viloyatida «Neksiya-3» avtomashinasi buklanib qoldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
