18:23 / 14.11.2020
1 271

Koronavirus qaytalagan bemorga mutaxassis maslahat berdi

Koronavirus qaytalagan bemorga mutaxassis maslahat berdi
Bugun AOKA press-xolida Koronavirusga qarshi kurashish shtabi a’zosi Nurmat Otabekov ishtirokida brifing o‘tkazildi. Unda aholidan tushgan savollarga javob qaytarildi:

– Avgustda COVID-19ning o‘rta og‘ir turini boshimdan o‘tkazdim. Uch kun avval yana virus yuqtirib olganim tasdiqlandi. Bunisi og‘irroq kechyapti. Nima maslahat berasiz?
– Tadqiqotlar koronavirusga chalingan odam virusni qayta yuqtirib olish xavfidan xoli emasligini isbotlamoqda. Unga ko‘ra, kasallikni yengganlar ham niqob taqish, ijtimoiy masofa saqlash va qo‘llarni tez-tez yuvish qoidalariga rioya qilishlari kerak.Qayta yuqtirish bilan bog‘liq rasmiylashtirilgan holatlar juda kam uchraydi — 53 millionga yaqin holatdan atigi bir nechta xolos.

Sizda ham kasallik qaytalangan bo‘lishi mumkin. Siz sanab o‘tgan klinik belgilar bilan shifokor virusolog yoki infeksionist nazoratida davolanishingiz lozim.

– Profilaktika uchun vitamin «D» va Sink preparatini qancha vaqt ichish mumkin?
– Albatta profilaktika maqsadida vitamin «D» va Sink preparatlarini qabul qilish mumkin. Faqat, har qanday holatda ham uchastka (oila) shifokori bilan maslahatlashgan holda yo‘l tuting.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)