15:04 / 26.11.2020
1 966

«To‘xtash taqiqlanadi» belgisi ostida qoldirilgan IIBga qarashli Lacetti hamda Captiva’ga jarima belgilandi (video)

«To‘xtash taqiqlanadi» belgisi ostida qoldirilgan IIBga qarashli Lacetti hamda Captiva’ga jarima belgilandi (video)
Kadr: Telegram / @YHXBB
YHXBB axborot xizmati 2020 yilning 24 noyabr kuni ijtimoiy tarmoqda «Kun fotosi: 75 003 VSF, 75 007 VSF! Qonun faqat oddiy fuqaroga ishlaydi, ijro etuvchilarga ta’sir qilmaydi!» sarlavhasi ostidagi tarqalgan videoga munosabat bildirdi.

Boshqarma xabariga ko‘ra, videolavha o‘rganilgan va davlat raqami 75 007 VFS bo‘lgan Lacetti hamda 75 003 VSF davlat raqam belgili Captiva haydovchilariga nisbatan yo‘l harakati qoidalarining 91-bandi talablarini buzganlik bo‘yicha belgilangan tartibda chora ko‘rilgan.

Telegram kanaliga yuklangan xabar ostiga ikkala haydovchiga nisbatan rasmiylashtirilgan bayonnoma suratlari ilova qilingan.

«Barcha haydovchilardan yo‘l harakati qoidalariga amala qilishlarini so‘raymiz. Jamoatchilik nazorati rivojlanishida o‘z hissasini qo‘shib borayotgan fuqarolarga minnatdorlik bildiramiz», – deyiladi YHXBB axborot xizmatining xabarida.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)