— Ishonasizmi, mahallamizdagi savdo do‘koniga ham piyoda borishga erinib, mashinada borib kelaman, — deydi ortiqcha vazn tufayli bir necha kasalliklar orttirgan hamkasblardan biri qiynalib nafas olganicha. — Agar imkoni bo‘lsa, uyimizdagi hojatxonaga ham mashinada borsam deyman...
— Uyda yoki choyxonada yonboshlab yotib ovqatlanish jonu dilim, — deydi unga boshqa bir hamkasb. — O‘tirib ovqatlansam xuddi rohatlanish to‘liq bo‘lmayotgandek bo‘laveradi...
Bugungi dorilamon kunlar jismoniy faollik, sog‘lom turmush tarziga qat’iy amal qilish borasida hamyurtlarimizni ancha ayyor va kamharakat qilib qo‘ygani ayni haqiqat.
Bunday kasalliklarga qarshi immunitetni mustahkamlovchi eng muhim omil – sog‘lom turmush tarzi, jismoniy faol va serharakat bo‘lishda ekanligi barchamizga yaxshi ma’lum.
Ma’lum bo‘lishicha, bugungi kunda Farg‘ona viloyatida sport bilan ommaviy ravishda shug‘ullanayotganlar 436 ming nafarni tashkil etib, bu umumiy aholining atigi 7,1 foiziga teng, xolos. Hozirda viloyat aholisining 233 ming nafari yurak-qon tomir, 55 ming nafari nafas yo‘llari yallig‘lanishi, 4 mingdan ortig‘i ortiqcha vazn kasalliklaridan qiynalmoqda. Viloyat aholisining 41 foizida qondagi xolesterin miqdori ortgan.
Viloyat jismoniy tarbiya va sport boshqarmasi mutasaddilarining ma’lum qilishicha, o‘rganishlar natijasida 171 ta davlat idoralari, 48 ta korxona-tashkilotlarda sport bilan shug‘ullanish uchun umuman sharoit yaratilmagani aniqlandi. Viloyatning 12 ta markaziy ko‘chalari, 500 ta mahalla, 93 ta qishloq, 2 ta madaniyat va istirohat bog‘ida piyoda, velosipedda yurish uchun maxsus yo‘laklar, ertalabki badantarbiya mashg‘ulotlari bilan shug‘ullanishga sport maydonchalari yo‘q.
Ayni paytda Farg‘ona viloyatining tuman markazlari va shaharlarda piyoda, velosipedda yurish uchun «Salomatlik yo‘laklari» hamda nogironligi bo‘lgan shaxslarga «To‘siqsiz muhit» yaratish muhim vazifa sifatida belgilangan. Shuningdek, 125 ta sport zallari, 9 ta sport inshooti va 268 ta sport maydonchalarini qurish va ta’mirlash ishlarini 2021 yildan boshlab bosqichma-bosqich rivojlantirish dasturiga kiritish rejalashtirilmoqda.
B. Madiyorov
Manba: Xs.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Biznes imkoniyatingizni kengaytiring
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Zelenskiy: Rossiya Ukrainaning issiqlik energetikasini deyarli to‘liq yakson qildi