20:47 / 19.12.2020
961

Bojxonachilar hujjatdan tushib qolgan 1 mlrd. so‘mlik tovarlarni fosh etishdi

Bojxonachilar hujjatdan tushib qolgan 1 mlrd. so‘mlik tovarlarni fosh etishdi
Turli qing‘irliklar bilan bojxona nazoratini chetlab tovar moddiy boyliklarini olib o‘tishga bo‘lgan urinishlarga qarshi bojxona idoralari tomonidan tizimli ravishda kurash olib borilmoqda.

Xususan, Buxoro viloyati bojxona boshqarmasi “Olot” chegara bojxona postiga xorijiy davlatdan kirib kelgan fuqarolar D.Ya., R.N. va Sh.E.lar boshqaruvidagi yuk avtomashinalari belgilangan tartibda bojxona ko‘rigidan o‘tkazildi.

Bojxona ko‘rigi davomida jami 3 ta yuk avtomashinasida hujjatlarda ko‘rsatilmagan umumiy qiymati 1 079 700 000 so‘mlik 1158 o‘rinda, og‘irligi 43188 kg.ga teng bo‘lgan “Granulalardagi polietilen” tovarlari borligi aniqlandi.

Hozirda yuqoridagi holatlar yuzasidan bojxona organlari tomonidan surishtiruv harakatlari olib borilmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)