Ona va bola yangi yilni o‘z uylarida kutadigan bo‘ldi

Fuqarolik ishlari buyicha Xo‘jaobod tumanlararo sudining 2020 yil 06 mart kungi I.Z.ni bir nafar farzandi bilan sobiq turmush o‘rtog‘i A.Z.ning xonadoniga kiritib qo‘yish haqidagi ijro hujjati Majburiy ijro byurosi Buloqboshi tuman bo‘limi ish yurituviga 31.03.2020 yilda kelib tushgan va shu kundan ijroga qaratilgan.

Olib borilgan ijro harakatlari davomida qarzdor A.Z.ga ijro hujjati talablarini ixtiyoriy ravishda bajarishi yuzasidan ogohlantirish xatlari berilib, tushuntirish ishlari olib borilgan.

Qarzdor tomonidan ijro hujjati talablari ixtiyoriy ravishda bajarilmaganligi sababli majburiy ijro harakatlari 2020 yil 26 dekabr kuniga tayinlanib, xolislar va majburiy ijroga jalb etilgan mutasaddilar ishtirokida I.Z.ni bir nafar farzandi bilan ijro hujjatida ko‘rsatilgan uy-joyga kiritib qo‘yildi hamda bu haqida tegishli tartibda dalolatnoma rasmiylashtirildi.

Shunday qilib, ijro hujjatining ijrosi amalda to‘liq ijro etilib, ona va bola yangi yil bayramini o‘z uylarida kutib oladigan bo‘ldi. “Zamin” yangiliklarini “Odnoklassniki”da kuzatib boring