O‘zbekistonda AI-80 markali avtomobil benzinining narxi yana ko‘tarildi

«O‘zbekiston respublika tovar-xom ashyo birjasi»da o‘tgan haftada birja savdolariga 32 927,0 tonna AI-80 markali avtomobil benzini qo‘yildi va ulardan 19 019,1 tonnasi, ya’ni 57,8% sotildi. O‘tkazilgan savdolarda har kuni o‘rtacha 35 xaridor ishtirok etdi.

Ko‘rib chiqilayotgan davrda AI-80 markali avtomobil benzinning o‘rtacha kunlik narxi mahsulotning bir tonnasi uchun 5 796,2 ming so‘mdan 5 869,8 ming so‘mgacha yoki 1,3% ga ko‘tarildi.

Ko‘rib chiqilayotgan davrda AI-80 rusumli avtomobil benzinning o‘rtacha haftalik kotirovkasi 5 821,6 ming so‘mni, AI-91 – 7 065,9 ming so‘mni tashkil etdi.

Eslatib o‘tamiz, turli manbalarda keltirishicha avtomobil benzinining bir tonnasi o‘rtacha 1293-1370 litrni tashkil qiladi. “Zamin” yangiliklarini “Twitter”da kuzatib boring