20:00 / 29.01.2021
542

Tadbirkorlar bilan ochiq muloqot o‘tkazildi

Tadbirkorlar bilan ochiq muloqot o‘tkazildi
2021 yil 28 yanvar kuni Karmana tuman Davlat soliq inspeksiyasi binosida jinoyat ishlari bo‘yicha Karmana tuman sudi raisi J.Karimov va sudyasi A.Saydullayev hamda Karmana tumani soliq inspeksiyasi xodimlari ishtirokida tuman hududida tadbirkorlik faoliyati bilan shug‘ullanuvchi fuqarolar bilan ochiq muloqat o‘tkazildi.

Tadbirda tadbirkorlar uchun yaratib berilayotgan imkoniyatlar va shart-sharoitlar, tizimli ishlar yuzasidan gapirib o‘tilib, savdo yoki xizmat ko‘rsatish qoidalari, soliq solinadigan ob’ektlarning hisobini olib borish, kassa operatsiyalarini yuritish tartibi, to‘lov intizomlari to‘g‘risida tushuntirishlar berildi hamda barcha sudlarda har haftaning juma kuni “Tadbirkorlar kuni”, har haftaning shanba kuni esa, “Ochiq eshiklar kuni” ekanligi ma’lum qilindi.

Shuningdek, sayyor sud majlisi o‘tkazilib, noqonuniy tadbirkorlik faoliyati bilan shug‘ullangan shaxslarga nisbatan bo‘lgan ma’muriy huquqbuzarlik ishlari ko‘rib chiqildi va kelgusida bu kabi huquqbuzarlik holatlariga yo‘l qo‘ymaslik to‘g‘risida tushuntirishlar berildi.
Ochiq muloqat so‘ngida tadbirkorlar tomonidan berilgan savollarga aniq javoblar berildi.

J.Mavlonov
Jinoyat ishlari bo‘yicha Karmana tuman
sudi sudya yordamchisi
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)