JSST ekspertlari koronavirus yuqtirishning to‘rt xil yo‘lini aniqladi

^{Foto: iStock}
Jahon sog‘liqni saqlash tashkiloti (JSST) mutaxassislari koronavirus infeksiyasi odamlarga to‘rt xil yo‘l — hayvondan, o‘zaro aloqa, muzlatilgan ovqatdan va laboratoriya hodisasi tufayli yo‘qishini aniqladi. Bu haqda Uxan shahridagi matbuot anjumanida so‘zga chiqqan JSST ekspertlari xalqaro guruhi rahbari Piter Ben Embarekning ma’lumotiga tayanib «Lenta.ru» xabar berdi.

Uning ta’kidlashicha laboratoriya hodisasi orqali koronavirus paydo bo‘lish ehtimoli juda past, shuning uchun olimlar kelajakda bu taxminni o‘rganib chiqishni rejalashtirmayapti. Ammo u virus kelib chiqishiga oid farazlar ro‘yxatidan chiqarilmagan. Ekspertlar tomonidan qolgan taxminlarning ikkitasi — o‘zaro aloqa va muzlatilgan mahsulotlar orqali infeksiyani yuqtirish real hodisa deb hisoblanmoqda. Chunki mazkur yo‘llar bilan koronavirusni uzoqqa tashish mumkin.

Avvalroq JSST vaksinatsiya bo‘limi rahbari Keyt O’Brayen koronavirusga qarshi emlash bepushtlikka olib kelishini rad etgandi. Uning so‘zlariga ko‘ra, bepushtlikni keltirib chiqaradigan birorta vaksina yo‘q.

Amerikalik olimlar esa COVID-19’ga qayta chalinish sabablarini ma’lum qilgan. Olimlar ilgari COVID-19 bilan kasallanganlarda koronavirus infeksiyasining ikkinchi to‘lqini kuzatilishiga sabab tanada immunitetning zaifligi oqibatida infeksiyani qayta yuqtirish yoki organizmda qolib ketgan virusni qayta faollashtirish bo‘lishi mumkinligini ta’kidlagan. “Zamin” yangiliklarini “Telegram”da kuzatib boring