00:30 / 16.02.2021
2 271

O‘zbekiston aholisini koronavirusga qarshi emlash qachondan boshlanishi aytildi

O‘zbekiston aholisini koronavirusga qarshi emlash qachondan boshlanishi aytildi
O‘zbekistonda koronavirusga qarshi emlash jarayoni mart oyining birinchi yarmida boshlanadi. Bu haqda Sanitariya-epidemiologiya xizmati ma’lum qildi.

Respublikada toifalar bo‘yicha COVID-19ga qarshi emlash 2021 yil mart oyining birinchi yarmida boshlanishi rejalashtirilgan”, - deyilgan xabarda.

Qoraqalpog‘iston Respublikasi, viloyatlar va Toshkent shahrida jami bo‘lib davolash profilaktika muassasalari qoshida 3138 ta emlash xonalari va 820 ta mobil brigadalar tashkil etilgan, ular barcha emlash ishlarini jadval va bosqichma-bosqich amalga oshiriladi.

Ta’kidlanishicha, xavf guruhiga kiruvchi aholini emlash ishlari yakunlanishi va respublikaga vaksina kelishiga binoan qolgan aholi ham emlanadi.

Aniqlik kiritilishicha, hukumat SOVID-19 infeksiyasiga qarshi vaksina ishlab chiqaruvchi 12 ta yetakchi korxonalar bilan vaksina xarid qilish bo‘yicha muzokaralar olib bormoqda.

Eslatib o‘tamiz, avvalroq O‘zbekistonda koronavirusga qarshi Rossiyaning “Sputnik V” vaksinasini sertifikatlashtirish hamda ro‘yxatdan o‘tkazish jarayonini boshlash ma’qullangani xabar qilingan edi. Undan avvalroq esa prezident Shavkat Mirziyoyev aholini COVID-19 ga qarshi emlashni boshlash bo‘yicha topshiriq bergan edi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » O‘zbekiston aholisini koronavirusga qarshi emlash qachondan boshlanishi aytildi