21:00 / 03.03.2021
660

Keksa avlod vakillarini qo‘llab-quvvatlash sohada amalga oshirilgan islohotlar haqida

Keksa avlod vakillarini qo‘llab-quvvatlash sohada amalga oshirilgan islohotlar haqida
1. Sohaga oid 20 ta qonun hujjati, shu jumladan 1 ta qonun, O‘zbekiston Respublikasi Prezidentining 3 ta Farmon va Qarori qabul qilindi, 16 dan ortiq normativ-huquqiy hujjatlar takomillashtirildi.

2. Quyidagi institutsional o‘zgarishlar amalga oshirildi:
– keksalarni qo‘llab-quvvatlash, ularning huquq va manfaatlarini himoya qilish sohasida vakolatli davlat boshqaruvi organi – Mahalla va oilani qo‘llab-quvvatlash vazirligi tashkil etildi;
– Qoraqalpog‘iston Respublikasi, viloyatlar va Toshkent shahri hamda tumanlar va shaharlarda Nuroniylar jamoatchilik kengashlari tashkil etildi;
– mahallalarda keksalar ishlari bo‘yicha jamoatchilik asosida faoliyat yuritadigan rais maslahatchisi lavozimi kiritildi;
– mahallalarda “Keksalar maslahati” guruhlari va “Buvijonlar maktabi” jamoatchilik kengashlari tashkil etildi.

3. Keksalarni ijtimoiy qo‘llab-quvvatlash yo‘nalishida:
– 1941-1945 yillardagi urush qatnashchilariga sanatoriylarda har yili yo‘llanmaning o‘rtacha narxiga teng ravishda kompensatsiya olish huquqi berildi;
– Kasaba uyushmalari Federatsiyasi mablag‘larining 30 foizini pensionerlarni, birinchi navbatda urush va mehnat fronti faxriylarini sog‘lomlashtirishga yo‘naltirish yo‘lga qo‘yildi;
– “Vatan himoyachilari kuni” va “Navro‘z” bayramlarida “Nuroniy” jamg‘armasi hisobidan urush qatnashchilari va mehnat fronti faxriylariga moddiy yordam ko‘rsatish tizimi joriy etildi;
– “Faxriy murabbiy” ordeni va “Mehnat faxriysi” ko‘krak nishoni ta’sis etildi hamda shu davrga qadar 947 nafar nuroniy
“Mehnat faxriysi” ko‘krak nishoni bilan taqdirlandi;
– 23818 nafar yakka-yolg‘iz qariyalar va nogironlarga jami
moddiy yordam hamda “Mehribonlik”, “Saxovat” va “Muruvvat” uylarida yashovchilarga muruvvat yordamlarini muntazam ko‘rsatish tizimi yo‘lga qo‘yildi;
– 493 minga yaqin faxriylarning diqqatga sazovor joylarga, muqaddas qadamjolarga ziyorat va sayohatlari uyushtirildi;
– 4213 nafar ikkinchi jahon urushi qatnashchilariga jami
22 mlrd so‘mga yaqin miqdorda mukofot pullari va esdalik sovg‘alari tantanali ravishda topshirildi;
– 72 nafari urush qatnashchilariga Haj safariga borish bilan bog‘liq bo‘lgan 1,3 mlrd. so‘m to‘lab berildi;
– “Dori-darmon” AK hisobidan 125 mln. so‘mlik dori-darmonlar urush qatnashchilari, yolg‘iz pensioner va nogironlarga bepul yetkazib berildi.

4. Moddiy-texnik bazani mustahkamlash yo‘nalishida:
– 126 ta tuman (shahar)da keksa avlod vakillari uchun “Nuroniylar maskanlari” tashkil etildi;
– “Nuroniy” jamg‘armasining barcha xodimlariga pensiyalarni 100 foiz miqdorida to‘lash tizimi yo‘lga qo‘yildi;
– “Keksalik gashti” jurnali ta’sis etildi. Ushbu jurnal va “Nuroniy” gazetasi muntazam chop etilishi yo‘lga qo‘yildi.

5. Yoshlar ta’lim-tarbiyasida, oilalarni mustahkamlashda keksa avlod vakillarining rolini oshirish yo‘nalishida:
– yosh avlodni harbiy-vatanparvarlik ruhida tarbiyalash, milliy va umuminsoniy qadriyatlarni ularning ongiga singdirishda keksa avlod vakillarining ijtimoiy faolligini oshirish borasida “Nuroniy” jamg‘armasining Mudofaa vazirligi bilan o‘zaro hamkorligi tizimi o‘rnatildi;
– mahallalarda, ta’lim muassasalarida va harbiy qismlarda mehnat faxriylarining yoshlar bilan “Ikki avlod” uchrashuvlarini muntazam o‘tkazish tizimi yo‘lga qo‘yildi;
– “Inson qadri ulug‘, xotira muqaddas”, “Mardlik, burch va sadoqat” shiorlari ostida “Xotira” maydonlarida, mahallalarda, ta’lim muassasalarida va harbiy qismlarda yoshlarning keksa avlod vakillari bilan uchrashuvlari o‘tkazilmoqda;
– profilaktik hisobda bo‘lgan farzandi tarbiyasiga salbiy ta’sir ko‘rsatuvchi 11636 nafar ota-onalardan 6488 nafari keksa avlod vakillarining takliflari asosida ro‘yxatdan chiqarildi;
– keksalar avlod vakillarining targ‘ibot-tashviqot ishlari natijasida 286 ta notinch oilalar yarashtirildi, 258 nafar voyaga yetmaganlar profilaktik hisobdan chiqarildi, 263 nafar spirtli ichimlikka ruju qo‘yganlar bunday illatdan xalos bo‘lishiga erishildi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Keksa avlod vakillarini qo‘llab-quvvatlash sohada amalga oshirilgan islohotlar haqida