Farg‘ona viloyatida 101 million so‘mlik ventilatorlarning noqonuniy aylanmasiga chek qo‘yildi

^{Foto: Farg‘ona viloyat Bojxona boshqarmasi}
Farg‘ona viloyatida bojxona boshqarmasi xodimlari tomonidan o‘tkazilgan tezkor tadbirda ventilatorlarning noqonuniy aylanmasiga chek qo‘yildi.

Qayd etilishicha, Farg‘ona viloyati bojxona boshqarmasining Kontrabandaga qarshi kurashish va bojxona auditi bo‘limi xodimlari tomonidan Oltiariq tumani hududida tezkor tadbir o‘tkazilgan.

Tadbir davomida avvaldan kuzatuvga olingan fuqaro K.R. boshqaruvidagi Hyundai Porter yuk avtomashinasi to‘xtatilib, o‘rnatilgan tartibda ko‘zdan kechirilgan. Natijada avtomashinada tegishli hujjatlari bo‘lmagan, xorijda ishlab chiqarilgan umumiy qiymati 101 million so‘mlik jami 2 ming 200 dona ventilator borligi aniqlangan.

Hozirda yuqoridagi holat yuzasidan bojxona organlari tomonidan surishtiruv harakatlari davom etmoqda. “Zamin” yangiliklarini “Telegram”da kuzatib boring