15:37 / 26.03.2021
1 127

O‘zbekistonda diplomlari to‘g‘ridan-to‘g‘ri tan olinadigan xorijiy OTMlar ro‘yxati tasdiqlandi

O‘zbekistonda diplomlari to‘g‘ridan-to‘g‘ri tan olinadigan xorijiy OTMlar ro‘yxati tasdiqlandi
O‘zbekiston Respublikasi Oliy va o‘rta maxsus ta’lim vazirligi hamda Davlat inspeksiyasining qo‘shma qarori bilan xalqaro tan olingan tashkilotlarning oliy ta’lim muassasalari reytingida birinchi 1000 talikka kiritilgan oliy ta’lim muassasalarining ro‘yxati tasdiqlandi. Bu haqda vazirlik axborot xizmati xabar berdi.

Ro‘yxat quyidagi xalqaro tashkilotlar reytingi asosida tuzilgan:
  • ARWU – The Academic Ranking of world Universities;
  • THE – Times Higher Education;
  • QS – Quacquarelli Symonds World University Rankings.

Reytingda birinchi 1000 ta o‘rinni egallagan oliy ta’lim muassasalari bitiruvchilarining ta’lim to‘g‘risidagi hujjatlarini nostrifikatsiyalash (ekvivalentligini qayd etish) to‘g‘ridan-to‘g‘ri (maxsus sinovlarsiz) amalga oshiriladi.

Qo‘shma qaror bilan tasdiqlangan xalqaro tan olingan tashkilotlarning OTMlar reytingida birinchi 1000 talikka kiritilgan oliy ta’lim muassasalarining ro‘yxati 2021 yil uchun shakllantirilgan hamda navbatdagi reyting e’lon qilingunga qadar amal qiladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » O‘zbekistonda diplomlari to‘g‘ridan-to‘g‘ri tan olinadigan xorijiy OTMlar ro‘yxati tasdiqlandi