Foto: El Universal
Pokiston fuqarolari O‘zbekistonga turistik viza orqali kirib, Toshkent ko‘chalarida tilanchilik qilayotgani haqidagi xabarlar tarqalmoqda. Ular odatda odamlardan uyga qaytib ketish uchun pul so‘rashmoqda.
«Bu Kun» dasturi muxbirining xabar berishicha, Facebook’dagi «Potribitel» guruhi a’zolari sobiq Rossiya mehmonxonasi, Chorsu va Mirobod bozorlarida tilanchilar ko‘paygani haqida xabar berishmoqda.
Ta’kidlanishicha, pokistonliklar yakka va oila bo‘lib yurishmoqda. Ular ingliz va o‘zbek tilida so‘zlashib, «50 ming so‘m ber» jumlasini yodlab olishgan.
«Hammasi bir xil 50 ming so‘m so‘rayapti. Agar kimdur pul bersa 100 ming so‘m so‘rashga o‘tgan. 20 ming so‘m berilganda esa xo‘mrayib olmoqda», deydi muxbir.
Ayrim tilanchilar ko‘chalarda, ayrimlari esa ofis va do‘konlarga kirishmoqda. Poytaxt aholisi ular bilan ingliz va urdu tillarida suhbat qilishmoqda.
«Aytishlaricha, samolyot orqali ketish qimmat. Shu sababdan Termizgacha ketish uchun pul to‘plashmoqda. U yerdan Afg‘oniston orqali Pokistongacha yetib olishmoqchi. Pokistonliklarning aytishicha, ular Toshkentga turistik viza bilan pul ishlash uchun kelgan. Ehson qilgan fuqarolarning aytishicha, pokistonliklar hozirga qadar Parijga yetib oladigan pulni yig‘ib bo‘lgan», deydi muxbir.
Eslatib o‘tamiz, O‘zbekiston qonunchiligida tilanchilik uchun javobgarlik belgilangan. Ma’muriy javobgarlik to‘g‘risidagi kodeksning 188-1-moddasiga ko‘ra, jamoat joylarida pul, oziq-ovqat mahsulotlari va boshqa moddiy qimmatliklar berishni faol tarzda so‘rab, tilanchilik bilan shug‘ullanish bazaviy hisoblash miqdorining bir baravaridan uch baravarigacha miqdorida jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH elchisi: “Rossiya Ukraina poytaxtiga gipertovushli raketalar bilan zarba berdi”
AQSH politsiyachilarining «aqlli qarori» Legoga ma’qul kelmadi
Erdo‘g‘on terrorchilar haqida keskin gapirdi
Rossiya Ukrainaning harbiy dron yig‘uv inshootlarini yo‘q qildi
Netanyahu Isroil delegatsiyasining AQSHga safarini bekor qildi
Dubay hukmdorining eng go‘zal qizi qanday hayot kechiradi?
AQSH rasmiylari: Millionlab amerikaliklar xitoylik hakerlar hujumiga uchragan
Rossiya qo‘shinlari Avdeyevkadagi ikkita qishloqni egallab oldi