«Korzinka.uz» supermarketlar tarmog‘i tomonidan o‘rnatilgan ehson qutilaridan jami 50 ming dollar solingan konvertlar chiqdi. Bu haqda tarmoq rahbari Zafar Hoshimov 29 aprel kuni Telegramdagi kanalida ma’lum qildi.
Zafar Hoshimovning ta’kidlashicha, tarmoq supermarketlariga o‘rnatilgan ehson qutilariga «saxiy xaridorlar asosan qaytimga olingan pullarini xayriya niyatida tashlab ketadi». Ushbu ehson qutilariga tushgan barcha mablag‘lar saraton kasalligiga chalingan bolakaylarga yordam beruvchi «Ezgu amal» xayriya jamg‘armasi hisobiga yo‘naltiriladi.
«Qutilar to‘lganida korxonamiz xodimlari va mutassaddilari jamg‘arma hamda jamoatchilik vakillari bilan birga ularni ochib, pullarni sanab, jamg‘arma hisob raqamiga topshiradi. Bugun navbatdagi qutini ochib, pullar sanalib taxlanayotganida, qutidan 10 dan ortiq oq konvert chiqdi. Ochib qarasak, konvertlardan jami 50 ming dollar pul bor ekan», — deb yozadi Zafar Hoshimov.
Supermarketlar tarmog‘i rahbari o‘z postini shunday so‘zlar bilan yakunlagan: «Og‘ir kasalga chalingan bolakaylarga Ramazon oyining tabarruk kunlarida shunday go‘zal ehson qilgan noma’lum inson amali ezgulik, olijanoblik va muqaddas Ramazon hislatlariga bo‘lgan ishonchimizni yanada orttirdi. Pullar ayirboshlanib, jami 564 120 000 so‘m jamg‘armaga yuborildi». “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Eron Isroilga hujum uyushtirdi. Endi urush boshlanadimi?..
“Tolibon” Eronning Isroilga qarshi hujumini qo‘llab-quvvatladi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Pentagonning sobiq tahlilchisi G‘arb nega Ukrainada tinchlik istamasligini tushuntirdi
Buxoro viloyatida «Neksiya-3» avtomashinasi buklanib qoldi
Mojarodan so‘ng Ukrainani nima kutayotgani ma’lum bo‘ldi
Eronning Isroilga hujumi shunchaki spektakl edimi?..
