08:00 / 10.05.2021
1 849

O‘zbekistonga Fransiya delegatsiyasi tashrif buyurdi


Foto: «Uza.uz»
Fransiya tashqi savdo va iqtisodiy jozibadorlik bo‘yicha vazir-delegati Frank Riyester boshchiligidagi delegatsiyaning yurtimizga tashrifi Samarqanddan boshlandi.

Mehmonlarni Samarqand xalqaro aeroportida viloyat hokimi E.Turdimov hamda Investitsiyalar va tashqi savdo vazirining o‘rinbosari Sh.Vafoyev kutib oldi.

Fransiya delegatsiyasi Samarqand bilan tanishuvni Registon majmuasidan boshladi. Mehmonlarga bu yerdagi Mirzo Ulug‘bek, Sherdor va Tillakori madrasalarining bunyod etilish tarixi, ularni asrab-avaylash va kelgusi avlodlarga bezavol yetkazish borasida olib borilayotgan ishlar haqida ma’lumot berildi. Shuningdek, majmuada milliy hunarmandchilik mahsulotlari va rassomlik asarlari ko‘rgazmasi namoyish etildi.

Frank Riyester boshchiligidagi delegatsiya Amir Temur maqbarasi va boshqa tarixiy obidalar bilan tanishib, bu yodgorliklar haqida qimmatli ma’lumotlarga ega bo‘ldi.

«O‘zbekistonga bu galgi tashrifimizdan ko‘zlangan asosiy maqsad ikki davlat Prezidentlarining o‘zaro hamkorlikni kuchaytirishga xayrihohliklari bois iqtisodiy aloqalarni rivojlantirishga qaratilgan, – dedi Fransiya tashqi  savdo va iqtisodiy jozibadorlik bo‘yicha vazir-delegati Frank Riyester.

Shu bois delegatsiyamiz tarkibida Fransiyadagi 30 dan ortiq yirik kompaniya va firmalar vakillari kelgan. O‘ylaymanki, bu imkoniyatdan ikki davlat tadbirkorlari ham samarali foydalanadi. Samarqand shahri haqida ko‘p eshitganman, lekin ilk bor bu shaharga kelib, juda katta taassurot oldim. Fransiyaning sobiq madaniyat vaziri sifatida aytishim mumkinki, Samarqand juda boy madaniy merosga ega ekan».

9-11 may kunlariga mo‘ljallangan tashrif dasturidan poytaxtimizda O‘zbekiston va Fransiya Respublikalari o‘rtasidagi savdo-iqtisodiy hamkorlik bo‘yicha hukumatlararo komissiyaning navbatdagi yig‘ilishida ishtirok etish, bir qator vazirlik va idoralar, parlament rahbarlari bilan uchrashuvlar, shuningdek, o‘zbek-fransuz biznes forumini o‘tkazish ko‘zda tutilgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » O‘zbekistonga Fransiya delegatsiyasi tashrif buyurdi