Prezident Shavkat Mirziyoyev umumiy o‘rta ta’lim maktablaridagi vaziyatga e’tibor qaratdi. Davlat rahbari muammolar hali ko‘pligi haqida fikr bildirdi.
— Nima mani qiynaydi desangiz, aytaman: maktabdagi sharoit. Maktablardagi ahvolni ko‘rgan odam tavba, deb yuboradi. Shu 4 yilda juda ko‘p e’tibor berdik, ammo muammolar hali ham ko‘p. Kamchiliklarni 27 yil ko‘rib-ko‘rmaslikka olganmiz. Surxondaryo, Qashqadaryo, Samarqanddagi maktablarning ahvolini yaxshi bilaman.
Uchinchi Renessansga poydevor qo‘yapmiz, deymiz. Agar mablag‘ni to‘g‘ri sarflab, kelajagimiz bo‘lgan maktablarga birinchi navbatda yo‘naltirmasak, kitobini, sharoitini, o‘qituvchining ish haqini joy-joyiga qo‘ymasak, niyatimizga erisha olmaymiz.
Hozirning o‘zida maktabni ta’mirlash, uyoq-buyog‘ini suvash uchun 30 trillion so‘m kerak bo‘lyapti. Bir paytlar partani olib borib qo‘yib, maktab filiallari ochilgan. Bu hozir katta muammoga aylanyapti: bunday maktablar filiallarida o‘qigan bolalarning bilimi, o‘qituvchilarning saviyasi, oyligi, sharoiti qanday bo‘ladi — bunga javob yo‘q. Bu faqat maktab ta’limining o‘zidagi muammolar. Shermatovni (Xalq ta’limi vaziri) oldimga chaqirsam, sharoitni yaxshilash uchun 30 trillion mablag‘ kerak, deyapti.
Bu kitob-u partasini hisobga olmaganda, faqat ta’mirlash uchun ketadigan pul. Xadjibayevni (sog‘liqni saqlash vaziri) chaqirsam, 60 trillion so‘m kerak, deyapti. Bu pullarni qayerdan olamiz? — dedi Shavkat Mirziyoyev.
Davlat rahbari bu kabi yillar davomida to‘planib qolgan dolzarb ijtimoiy muammolarni bartaraf etish uchun avvalo o‘z vaqtida soliq tushumlarini ta’minlash zarurligini ta’kidladi, mablag‘larni maqsadli sarflash nazoratini kuchaytirish bo‘yicha topshiriq berdi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Tolibon» Moskvadagi terakt tashkilotchilarini yo‘q qilishga va’da berdi
Olimlar qashshoqlik miyaning tez qarishiga sabab bo‘lishini aniqladilar
Erdo‘g‘on terrorchilar haqida keskin gapirdi
Rossiya G‘azoga 29 tonnadan ortiq insonparvarlik yordami jo‘natdi
Xalqaro sud Isroilga majburiyat yukladi
Emmanuel Makron: “Ukraina tez orada qulashi mumkin”
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Rossiya Ukrainaning harbiy dron yig‘uv inshootlarini yo‘q qildi