18:48 / 21.06.2021
1 736

Rasul Kusherbayev: «Uzr»larga quloq ham ko‘nikib qoladi

Rasul Kusherbayev: «Uzr»larga quloq ham ko‘nikib qoladi

Kuni kecha, 20-iyun kuni soat 22:10 da Chilonzor yo‘nalishi «Olmazor» bekatidan Sergelining 1-bekati tomon harakatlanayotgan metroda nosozlik yuzaga kelgani haqida xabar bergandik.

Ijtimoiy tarmoqlarda tarqalgan videoda hodisadan yo‘lovchilarning qattiq qo‘rquvga tushganini ko‘rish mumkin. «Olmazor» bekatida barcha yo‘lovchilar metrodan tushirilgan. Ushbu holatga Oliy Majlis deputati Rasul Kusherbayev munosabat bildirdi.

«Toshkent metropoliteni» UK yo‘lovchilardan uzr so‘rabdi, xolos. Bitta uzr — bo‘ldi.
Ilgari metro buzilishiga  favqulodda holat va yangilik sifatida qaralardi. Biroq hozir bu odatiy holga aylanib borayapti. Bu ketishda bunaqa «uzr»larga quloq ham ko‘nikib qoladi.
Pulini olib, ishini sifatsiz bajaradigan odamlar jamoatchilikning toqatini toq qilmoqda. Agar har kim o‘zi bilgan ishini qilganida balki bunchalik bo‘lmasdi», deb yozadi deputat.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Rasul Kusherbayev: «Uzr»larga quloq ham ko‘nikib qoladi