18:26 / 29.06.2021
10 022

IIBB Jahongir Otajonovning «nomaqbul chiqishlari»ga javob qaytardi


Skrinshot
Sobiq xonanda Jahongir Otajonovning ichki ishlar xodimlari bo‘yicha navbatdagi videochiqishi keskin muhokamalarga sabab bo‘ldi. Unda Otajonov mashinasini bir necha kundan beri ololmayotganini aytib o‘tgan. Toshkent shahar IIBB vaziyat yuzasidan quyidagicha izoh berdi.

«So‘ngi kunlarda internet ijtimoiy tarmoqlarida Toshkent shahri, Olmazor tumanida yashovchi, 1978 yilda tug‘ilgan fuqaro Otajonov Jahongir Saparbayevichni turli nomaqbul chiqishlari fuqarolarimizning o‘rinli e’tirozlarga sabab bo‘lmoqda 17 iyun kuni Toshkent
shahar IIBB Yo‘l harakati xavfsizligi xizmati inspektori tomonidan M.Ulug‘bek tumani, Oltintepa ko‘chasida harakatlanib kelayotgan «Gentra» rusumli transport vositasi to‘xtatib tekshirilganda, haydovchi 1979 yilda tug‘ilgan, Atajanov Alisher Saparbayevich (J.Atajanovning ukasi) boshqaruv huquqini beruvchi xujjatlari bo‘lmaganligi sababli avtoulov jarima maydoniga joylashtirilgan hamda ayni vaqtga qadar tegishli xujjatlar taqdim etilmayotganligi sababli vaqtincha saqlanmoqda», — deyiladi IIBB xabarida.

Jahongir Otajonov o‘zining davlat organlari xizmatchilariga nisbatan haqoratomuz videochiqishlari orqali yaqinlarining huquqbuzarliklarini yashirish, o‘zining maishiy muammolariga omma e’tiborini tortishga urinishlari namoyon bo‘layotgani aytilgan. 

«Mazkur fuqaroning harakatlarida tuhmat va haqorat qilish alomatlari mavjud bo‘lganligi sababli, holatga tegishli tartibda huquqiy baho beriladi va jamoatchilikka qo‘shimcha ravishda axborot taqdim etiladi», — deyiladi bayonot yakunida.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » IIBB Jahongir Otajonovning «nomaqbul chiqishlari»ga javob qaytardi