2 734
O‘zbekiston chegarasini 20 kun ichida qancha afg‘onistonlik buzib o‘tgani ma’lum qilindi
Prezident matbuot kotibi Sherzod Asadov 12 iyul, dushanba kuni o‘tkazilgan brifingda Afg‘onistondagi vaziyat va O‘zbekiston chegarasini buzib o‘tgan afg‘onistonliklar haqida gapirdi, deya xabar bermoqda «Daryo».
«Afg‘onistonda kuchayib borayotgan zo‘ravonliklar bo‘yicha rasmiy pozitsiyamizni Tashqi ishlar vazirligi 24 iyun kuni bildirgan edi. Bu haqda brifinglar davomida ham bir necha marta sizlar bilan fikr almashgan edik.
2021 yilning 23 iyunidan boshlab Afg‘onistonning qurollangan shaxslari O‘zbekiston chegarasini bir necha marotaba noqonuniy buzib o‘tmoqchi bo‘lgan. Ularning umumiy soni shu kunga qadar 150 kishiga yetdi va barchasi tergov, surishtiruv ishlari olib borilganidan keyin xalqaro qonunchilikka muvofiq, o‘z davlatiga qaytarib yuborildi. Ya’ni hozirgi kunda O‘zbekiston hududida Afg‘onistonning birorta fuqarosi noqonuniy boshpana topgani yo‘q va chegaralarimiz daxlsizligi hech qanday shubha ostiga qo‘yilmaydi. O‘zbekiston kelgusida ham o‘z hududiga noqonuniy o‘tishlariga yo‘l qo‘ymaydi.
O‘zbekiston Afg‘onistondagi vaziyatdan, albatta, xavotirda. Biz ikki davlat o‘rtasidagi yaxshi qo‘shnichilik munosabatlarini yanada rivojlantirishdan manfaatdormiz va ushbu davlatning ichki ishlariga aralashmaslik tarafdorimiz», — dedi Asadov.
Eslatib o‘tamiz, 22 iyun kuni Sog‘liqni saqlash vazirligi va qator manfaatdor tashkilotlar taklifiga ko‘ra, Respublika maxsus komissiyasi Afg‘onistonda koronavirus infeksiyasi bilan bog‘liq epidemiologik vaziyat keskinlashayotganini inobatga olib, o‘zbek-afg‘on davlat chegarasi orqali fuqarolarning harakatlanishini vaqtincha to‘xtatishga qaror qilgandi.
23 iyun kuni O‘zbekiston Prezidenti Shavkat Mirziyoyev va Tojikiston prezidenti Emomali Rahmon telefon orqali suhbatda bugungi kunda qo‘shni Afg‘onistonda, xususan, uning shimoliy va shimoli-sharqiy viloyatlarida, ikki mamlakatning Afg‘oniston bilan davlat chegarasi o‘tadigan hududlari bo‘ylab vujudga kelayotgan tahlikali vaziyatni ham muhokama qilib, ushbu mamlakat bilan chegara chizig‘idagi vaziyatni juda keskin deb baholagandi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyada maktab o‘quvchilari ommaviy ravishda islom dinini qabul qilmoqda
O‘zbekistonda o‘tgan uch oyda qancha avtomobil ishlab chiqarilgan?
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Damas uchun onlayn kontraktatsiya ochiladi
