22:30 / 23.11.2021
6 315

"Bugun Toshkent shahar hokimi meni 450 mlrd so‘mga tushirdi" - Shavkat Mirziyoyev

"Bugun Toshkent shahar hokimi meni 450 mlrd so‘mga tushirdi" - Shavkat Mirziyoyev
Foto: Prezident matbuot xizmati
Shavkat Mirziyoyev Shayxontohur tumaniga tashrifi davomida tumanning chiroyini buzib turgan jarliklar va ulardan qutulish kerakligi haqida gapirdi.

«Mening har soat yurishim 100 mlrd so‘mga tushadi. Bugun ham Toshkentda bir soat yurganim uchun Toshkent shahar hokimi meni 100 mlrd so‘mga tushirdi. Umumiy aytganda, u mendan kun bo‘yi yurganim uchun 450 mlrd so‘m so‘radi. Bu bir martadagisi, xolos.

450 mlrd so‘m – hozirgina bosh vazirga bu haqda aytdim. Meni eng ko‘p qiynayotgan masalalardan biri tumandagi jarliklar masalasi edi. Bir paytlar bosh vazir bo‘lib ishlaganimda buni oxiriga yetkazmagandim.

Bu jarlar bizga yarashmaydi. Jarlardan tezroq qutulmasak, ular bizga kasallik tarqataveradi. Shularning ustini to‘la yopib, atroflariga daraxt ekib, yonidan yo‘l olib chiqishimiz kerak.

Hokim buning uchun 450 mlrd so‘m kerakligini aytdi. Men esa bu pulni ertagayoq berishimni bildirdim.

Biz shu ishni qilsak, ham manzillar yaqin bo‘ladi, ham kasalliklar chiqishi kamayadi. Bu haqda bosh vazir va shahar hokimi qat’iy topshiriq oldi. Bu ishlarni tezlashtirish kerak», dedi prezident.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » "Bugun Toshkent shahar hokimi meni 450 mlrd so‘mga tushirdi" - Shavkat Mirziyoyev