15:40 / 15.09.2016
11 867

Yoringizni yaxshi bilasizmi?

Yoringizni yaxshi bilasizmi?

Jufti halolimizga oila qo‘rg‘onimizning ustuni, farzandlarimizning otasi, suyanchig‘imiz deb qarashga odatlanganmiz. Ammo shunday daqiqalar bo‘ladiki, turmush o‘rtog‘imizni umuman tanimay qolamiz! Xuddi yonimizda butunlay begona kimsa o‘tirgandek... Siz ham shunday vaziyatga hech tushganmisiz?! Keling, quyidagi test yordamida yorimiz bilan qanchalar yaqin ekanligimizni aniqlaymiz!

1. Sizga eringiz shaxsiy sirlarini ishonib, aytib beradimi?
2. Jufti halolingizga xush keladigan rangni bilasizmi?
3. Sizningcha, turmush o‘rtog‘ingiz tushkunlikka tushganida yoki asabiylashayotgan vaqtida o‘zini qo‘lga olishni biladimi?
4. Eringizning vazni hozirda necha kilogramm ekanligidan xabardormisiz?
5. Sizning qaysi fazilatlaringizni umr yo‘ldoshingiz ko‘proq qadrlashini bilasizmi?
6. Endi esa aksincha, sizning qaysi xatti-harakatlaringiz eringizni g‘ashini keltirishini ayta olasizmi?
7. Juftingiz aynan qaysi taomni ishtaha bilan iste’mol qilishini bilasizmi?
8. Har kimning o‘ziga xos nozik jihatlari bo‘ladi. Turmush o‘rtog‘ingizdagi ana shunday tomonlar sizga oshkormi?
9. Kunning istalgan vaqtida sizdan umr yo‘ldoshingiz nima bilan band ekanligi so‘ralsa, o‘zingizni «Aniq javob bera olaman», deb hisoblaysizmi?
10. Eringiz nimalardan qo‘rqishi yoki qanday holatlar uni bezovta qilishi mumkinligini bilasizmi?

Yo‘riqnoma: har bir «HA» deb bergan javobingiz uchun — 5 ball, «YO‘Q» javobi uchun esa — 0 balldan yozing.

Natija:
40-50 ball
Tabrigimizni qabul qiling! Siz haqiqatan ham turmush o‘rtog‘ingizni fe’l-atvorini besh barmog‘ingizdek bilasiz. Uning ko‘nglini olish yo‘llaridan xabardorsiz. Bu esa sizning naqadar tadbirkor, sabr-toqatli va eringizni chin dildan sevishingizdan darak beradi. Yoki bu natijaga uzoq yillar davomida birga yashab, tajriba to‘plab erishgansiz. Har ikki holatda ham kelajakda sizni baxtli hayot kutayotganini aniq ayta olamiz!

30-35 ball
Yaxshi natija, ammo bundan ham yaxshiroq bo‘lishi mumkin! Juftingiz fe’lidagi ko‘p jihatlar sizga ayon. Lekin bu bilan siz uni har tomonlama bilaman deb aytishingiz uchun ertalik qiladi. Maslahatimiz, uning fazilatlariga ham e’tiborli bo‘ling!

20-25 ball
Oilangiz haqida shunday deyishimiz mumkin: bir erkak va ayolni majburlab, bir kemaga o‘tkazishgan-u, uzoqqa safarga jo‘natishgan. Birga tinchlikda yashash uchun ular bir-birining fe’lini o‘rganishdan boshqa chora topa olmagan. Sizga bu ta’riflar mos keladimi? Siz sevimli yor bo‘lib yashashni istamaysizmi? Maslahatimiz, eringizni qiziqishlari, orzu-umidlari, maqsadi hamda kelajak rejalari bilan tanishing!

20 balldan kam.
Agar yaqindagina oila qurgan kelinchak bo‘lmasangiz, o‘zingiz uchun SOS tugmachasini bosing! Eringiz bilan butunlay qiziqmasligingiz yaxshilikka olib kelmaydi. U bilan ko‘proq muloqotda bo‘lishga harakat qiling. Aks holda, bir-biringiz uchun begonalarga aylanib qolishingiz hech gap emas!

Manba: darakchi.uz

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Hayot uchun » Yoringizni yaxshi bilasizmi?