15:06 / 17.11.2016
10 170

Birovlarning qalbiga ozor bermaslik uchun donishmandning tarbiyasi…

Birovlarning qalbiga ozor bermaslik uchun donishmandning tarbiyasi…

Qadimda bir qishloqda donishmand chol yashagan ekan. U vaqtining asosiy qismini bolalar bilan o‘tkazar, ularni har xil sovg‘alar bilan siylar ekan. Biroq u bolalarga beradigan sovg‘alar juda nozik bo‘lib tezda sinib qolarkan. Bolalar bu sovg‘alarni qanchalik avaylamasin bari bir 2 3 kundan keyin ular albatta sinar ekan. Bolalar bundan qattiq xafa bo‘lib yig‘lashar ekan.

Oradan vaqt o‘tibdi. Donishmandning sovg‘alari esa yanada noziklashibdi. Endi ular qo‘lga olar-olmas sinib ketar ekan. Bundan hayron bo‘lgan ota-onalar donishmandning oldiga kelishibdi.

— Siz bolalarimizga faqat yaxshilikni tilaysiz. Lekin nega ularga omonat sovg‘alar berib xafa qilyapsiz? Ular qanchalik harakat qilishmasin, sizning sovg‘alaringiz sinib ketyapti. Bu esa ularning diliga ozor beryapti,-deyishibdi. O‘yinchoqlar juda ajoyib,lekin bolalar ularni o‘ynay olishmayabdi.

— Oradan vaqtlar o‘tadi. Ular ulg‘ayishadi, — debdi donishmand jilmayib. Kimdir ularga o‘z qalbini ishonib topshiradi. Balki mening bu tarbiya uslubim ularni bebaho sovg‘a — inson qalbi bilan ehtiyotkor bo‘lib muomala qilishga o‘rgatar…..

Saidabonu tarjimasi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Hayot uchun » Birovlarning qalbiga ozor bermaslik uchun donishmandning tarbiyasi…