Shahrisabzda 9 sentyabrda 220 mingdan ziyod kishi mehmon boʻlgan boʻlsa, bugun 10 sentyabr kuni ushbu rekord yangilandi. Bu kuni Shahrisabzning bosh maydoniga soat 20:30 holatiga 250 ming nafarga yaqin mehmon tashrif buyurdi, ularning bari koʻtarinki va bayramona kayfiyatda sayr qilib, ishtirokchilarning sanʼatidan zavq olmoqda. KUN.UZ nashri Oʻzbekiston Respublikasi Bosh vazir oʻrinbosari Aziz Abduhakimov bergan maʼlumotlarga asoslanib, shu haqida xabar berdi.
6-10 sentyabr kunlari Qashqadaryo viloyatining Shahrisabz shahrida I Xalqaro maqom sanʼati forumi boʻlib oʻtdi. Unga dunyoning 70 dan ziyod mamlakatidan ishtirokchi va mehmonlar tashrif buyurishdi. Har bir mamlakat vakillari oʻzining milliy musiqa namunalarini ijro etib, yigʻilganlarga zavq bagʻishlashdi.
Oʻzbekistonning maqom sanʼati bugunga kelib mamlakat brendi darajasiga koʻtarilib, nafaqat xorijlik mehmonlar, balki mahalliy xalq orasida ham katta qiziqish uygʻotdi. Ularning orasida maqom va uning turlarini oʻrganishga qiziqish bildirganlar ham talaygina boʻldi.
Turli viloyatlardan tashrif buyurgan mehmonlar Shahrisabzdagi MAQOM ART festivalidan ilhomlanib, farzandlarini maqom sanʼati bilan shugʻullanishga bermoqchi ekanliklarini aytishmoqda.
“Festivaldan ilhomlanib, farzandlarimizning yuz-koʻzidagi qiziqishni koʻrib, ularga milliy musiqa cholgʻu asboblarini olib berishga qaror qildik. Keyinchalik musiqa maktablarida oʻqib, yaxshi maqom ijrochilari boʻlib yetishishsa, bunga aynan Shahrisabzdagi birinchi Xalqaro maqom sanʼati forumi sababchi boʻlganini eslab yuramiz”, - deydi samarqandlik mehmonlardan biri.
Umuman olganda, Shahrisabzdagi Maqom festivali nafaqat Qashqadaryo viloyati, balki butun Oʻzbekiston ahlida koʻtarinki kayfiyat, oʻz yurtidan faxrlanish tuygʻularini keltirib chiqardi. Bunday bayram tantanalari, festivallar bir tomondan odamlarning milliy musiqaga boʻlgan qiziqishini oshirish va oʻzaro ahillashuviga sabab boʻlsa, boshqa tomondan xorijliklarning Oʻzbekistonga boʻlgan qiziqishni yanada oshirish uchun xizmat qiladi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Toshkentda 02 kodli avtoraqamlar taxminan qachon paydo bo‘lishi aytildi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Futzal. Osiyo Kubogi. Tojikiston Yaponiyani guruhda qoldirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
O‘zbekistonda o‘tgan uch oyda qancha avtomobil ishlab chiqarilgan?
