Bugun Toshkent Fotosuratlar uyida Turkiya Respublikasining O‘zbekistondagi elchixonasi matbuot xizmati tomonidan “Turkiya o‘zbekistonlik jurnalist va fotorassomlar nigohida” mavzuida fotoko‘rgazma ochildi.
Fotoko‘rgazmani o‘tkazishdan asosiy maqsad — xalqimizni turk madaniyati, urf-odatlari, marosimlari va me’morchilik an’analari bilan yaqinroq tanishtirish va davlatlar o‘rtasidagi madaniy aloqalarni kuchaytirishdan iborat.
Turkiya Respublikasining O‘zbekiston Respublikasidagi elchixonasi o‘tgan ikki yil mobaynida 30 ga yaqin o‘zbek jurnalistlarining Turkiyada tashkil qilingan turli tadbirlarda ishtirok etishlariga ko‘maklashdi. Ijodkorlar Turkiyaning shahar va qishloqlarida bo‘lib, turk xalqining yashash tarzi, tabiati, me’morchiligi haqida bir-biridan qiziqarli fotosuratlarni muhrlashdi. Ko‘rgazma uchun ular tomonidan 500 ga yaqin surat taqdim qilinib, saralash jarayonida jurnalist nigohi qaratilgan ob’ektning dolzarbligi, mavzuning ahamiyati va asarning texnik sifatiga e’tibor berildi.
Tursunali Qo‘ziyev, Farhod Qurbonboyev, Husniddin Ato, Abduvali Saybnazarov, Anora Sodiqova, Baxtiyor Nasimov, Davronbek Tojialiyev, Elmurod Ermatov, Hojimurod Otaqulov, Hotam Mamadaliyev, Muhammad Ismoil, Muhammadjon G‘aniyev, Sharofiddin To‘laganov, Shavkat Ortiqov, Sherali Avezmatov, To‘lqin Eshbek kabi o‘z kasbining mohir ustalari bo‘lgan jurnalistlarning asarlari o‘zbekistonlik fotosurat ishqibozlarini befarq qoldirmaydi.
Shuni ishonch bilan aytish mumkinki, ko‘rgazmaga qo‘yilgan fotosuratlar ikki davlat o‘rtasida tobora mustahkamlanib borayotgan madaniy-ma’rifiy aloqalarning amaliy natijasi hisoblanadi.
“Turkiya o‘zbekistonlik jurnalist va fotorassomlar nigohida” fotoko‘rgazmasi shu yilning 14 apreliga qadar davom etadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi