21:07 / 10.01.2018
7 137

Uzoq kutilgan xabar: O‘zbekistonda propiska va pasport rejimi soddalashtiriladi

Uzoq kutilgan xabar: O‘zbekistonda propiska va pasport rejimi soddalashtiriladi
O‘zbekistonda fuqarolarni doimiy va vaqtincha ro‘yxatga qo‘yish (hisobga olish) tartibi soddalashtiriladi, ularning mamlakat hududida erkin harakatlanish hamda mehnat qilish huquqlari ta’minlanadi. Bu haqda «Faol tadbirkorlik, innovatsion g‘oyalar va texnologiyalarni qo‘llab-quvvatlash yili» davlat dasturi loyihasida ma’lum qilingan.

Qayd etilishicha, 2018 yil 1 aprelga qadar bu borada normativ-huquqiy hujjatlar loyihalari ishlab chiqiladi.

Loyihalarda:

vaqtincha yoki doimiy propiskasiz fuqarolarni ishga qabul qilishni rad etish bilan bog‘liq amaliyotga barham berish;

mehnat munosabatlari jarayonida pasport tizimi qoidalariga rioya etmaganlik uchun ish beruvchining ma’muriy javobgarligini bekor qilish;

vaqtincha yoki doimiy propiskasiz yoxud turgan joyi bo‘yicha hisobda turmasdan yashaganlik, yashashga yo‘l qo‘yganlik uchun ma’muriy jazo choralarini yengillashtirish nazarda tutiladi.

Tegishli normativ-huquqiy hujjatlar loyihalari ustida Adliya vazirligi, Bosh prokuratura, IIV, Bandlik va mehnat munosabatlari vazirligi ish olib boradi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » Uzoq kutilgan xabar: O‘zbekistonda propiska va pasport rejimi soddalashtiriladi