Oʻzbekiston Respublikasining prezidenti Shavkat Mirziyoyev Oʻzbekiston Respublikasining ayrim qonun hujjatlariga iqtisodiy munosabatlar va tadbirkorlikni rivojlantirishga qaratilgan oʻzgartish va qoʻshimchalar kiritish toʻgʻrisidagi qonunni imzoladi.
Qonun Qonunchilik palatasi tomonidan 2018 yil 30 avgustda qabul qilingan, Senat tomonidan 2018 yil 27 sentyabrda maʼqullangan.
Oʻzbekiston Respublikasining 1996 yil 25 aprelda qabul qilingan “Banklar va bank faoliyati toʻgʻrisida”gi 216–I-sonli Qonuni 4-moddasining ikkinchi qismiga quyidagi qoʻshimcha va oʻzgartish kiritildi:
quyidagi mazmundagi oʻn birinchi xatboshi bilan toʻldirildi:
“mikroqarz berish”;
oʻn birinchi xatboshi oʻn ikkinchi xatboshi deb hisoblanadi.
Oʻzbekiston Respublikasining 2000 yil 25 mayda qabul qilingan “Faoliyatning ayrim turlarini litsenziyalash toʻgʻrisida”gi 71–II-sonli Qonuniga quyidagi oʻzgartish va qoʻshimchalar kiritildi:
12-moddaning birinchi va ikkinchi qismlari quyidagi tahrirda bayon etildi:
«Faoliyatning ayrim turlarini amalga oshirish huquqi uchun litsenziyalar ularning amal qilishi muddati cheklanmagan holda beriladi.
Faoliyatning litsenziyalanadigan ayrim turlariga nisbatan qonun hujjatlarida litsenziyaning cheklangan amal qilish muddati belgilanishi mumkin, lekin bu muddat besh yildan kam boʻlmasligi lozim»;
16-modda:
quyidagi mazmundagi yettinchi va sakkizinchi qismlar bilan toʻldirildi:
«Agar litsenziyalovchi organ litsenziya berish yoxud litsenziyaning amal qilish muddatini uzaytirish toʻgʻrisidagi arizani koʻrib chiqish muddati davomida litsenziya berish haqida yoki litsenziya berishni rad etish toʻgʻrisida yoxud litsenziyaning amal qilish muddatini uzaytirish haqida yoki uning amal qilish muddatini uzaytirishni rad etish toʻgʻrisida qaror qabul qilmasa, koʻrsatilgan muddat oʻtganidan soʻng litsenziya daʼvogari arizada koʻrsatilgan faoliyat turini amalga oshirish huquqiga bu haqda litsenziyalovchi organni yozma ravishda xabardor qilgan holda ega boʻladi.
Ushbu moddaning yettinchi qismida nazarda tutilgan holda litsenziyalovchi organ litsenziya daʼvogarining yozma xabari olinganidan keyin besh ish kuni ichida unga litsenziya berishi yoki litsenziyaning amal qilish muddatini uzaytirishi shart. Taqdim etilgan hujjatlarning ular qabul qilib olingan sana toʻgʻrisida belgi qoʻyilgan roʻyxati hamda litsenziya daʼvogari tomonidan litsenziyalovchi organga yuborilgan yozma xabar litsenziya olinguniga qadar litsenziyaga tenglashtiriladi va shunday faoliyatni amalga oshirish uchun asos boʻladi. Bunda litsenziya daʼvogari litsenziyasiz faoliyat bilan shugʻullanganlik uchun javobgarlikka tortilishi mumkin emas»;
yettinchi — oʻn birinchi qismlari tegishincha toʻqqizinchi — oʻn uchinchi qismlar deb hisoblanadi.
Oʻzbekiston Respublikasi Oliy Majlisining 2001 yil 12 mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222–II-sonli Qarori 1-ilovasining yigirmanchi — oltmishinchi xatboshilari quyidagi mazmundagi yigirmanchi — ellik beshinchi xatboshilar bilan almashtirildi:
«Avtomobil transportida yoʻlovchilarni va yuklarni shaharda, shahar atrofida, shaharlararo va xalqaro yoʻnalishlar boʻyicha tashish.
Telekommunikatsiyalar tarmoqlarini loyihalashtirish, qurish, ulardan foydalanish va ularga xizmat koʻrsatish.
Neft, gaz va gaz kondensatini qazib olish, qayta ishlash hamda realizatsiya qilish.
Qimmatbaho va nodir metallarni, qimmatbaho toshlarni qazib olish.
Neft mahsulotlarini (avtobenzin, aviabenzin, ekstrabenzin, dizel yonilgʻisi, aviakerosin, mazut, pechka qoramoyi, neft bitumi, shuningdek texnik moylar va moylash materiallarini) realizatsiya qilish, bundan zavodda idishlarga qadoqlanganlari mustasno.
Etil spirti va alkogolli mahsulot ishlab chiqarish.
Bank faoliyati.
Banklar tomonidan chet el valyutasida operatsiyalar oʻtkazish.
Qimmatli qogʻozlar blankalarini ishlab chiqarish.
Qimmatli qogʻozlar bozoridagi professional faoliyat.
Baholash faoliyati.
Sugʻurtalovchilarning va sugʻurta brokerlarining sugʻurta faoliyati.
Auditorlik faoliyati.
Lombardlar faoliyati.
Lotereyalar tashkil etish.
Advokatlik faoliyati.
Bojxona omborini taʼsis etish.
Bojsiz savdo doʻkonini taʼsis etish.
Bojxona rejimida omborxona — “erkin omborxona” taʼsis etish.
Geodeziya va kartografiya faoliyati.
Noshirlik faoliyati.
Nodavlat taʼlim xizmatlari koʻrsatish sohasidagi faoliyat.
Diniy taʼlim muassasalarining faoliyati.
Audiovizual asarlarni, fonogrammalarni va EHM uchun yaratilgan dasturlarni takrorlash.
Fonogrammalarni tayyorlash.
Konsert-tomosha faoliyatini amalga oshirish.
Birja faoliyati.
Turizm faoliyati.
Ulgurji savdo.
Tamaki mahsulotlari ishlab chiqarish.
Mikrokredit tashkilotlari faoliyati.
Pirotexnika buyumlarini (harbiy maqsaddagi mahsulotlardan tashqari) ishlab chiqish, ishlab chiqarish, tashish, saqlash, realizatsiya qilish, ulardan foydalanish, ularni yoʻq qilish va utilizatsiya qilish.
Rieltorlik faoliyati.
Kredit byurolari faoliyati.
Vazirliklar, idoralar va tashkilotlar harbiy xizmatchilari hamda xodimlarining tasdiqlangan namunadagi formali kiyim-boshi savdosi boʻyicha faoliyat.
Qimmatbaho metallardan va qimmatbaho toshlardan zargarlik buyumlarini hamda boshqa buyumlarni ishlab chiqarish».
Oʻzbekiston Respublikasining 2006 yil 15 sentyabrda qabul qilingan “Mikromoliyalash toʻgʻrisida”gi OʻRQ–50-sonli Qonuniga quyidagi oʻzgartish va qoʻshimchalar kiritildi:
5-moddaning matni quyidagi tahrirda bayon etildi:
“Mikroqarz banklar va mikrokredit tashkilotlari tomonidan jismoniy shaxs boʻlgan qarz oluvchiga eng kam ish haqining yuz baravari miqdoridan oshmaydigan summada toʻlovlilik, muddatlilik va qaytarish shartlari asosida beriladigan pul mablagʻlaridir”;
8-modda:
uchinchi qismi quyidagi tahrirda bayon etildi:
«Mikromoliyaviy xizmatlar koʻrsatish qoidalari barchaning tanishib chiqishi uchun ochiq boʻlishi va bu qoidalarda quyidagilar boʻlishi kerak:
- mikromoliyaviy xizmatlar koʻrsatish shartlari;
- mikromoliyaviy xizmatlarning miqdori, muddatlari, toʻlovi va toʻliq qiymati toʻgʻrisidagi maʼlumotlar».
quyidagi mazmundagi toʻrtinchi qism bilan toʻldirildi:
“Mikromoliyaviy xizmatlar koʻrsatish shartnomalari boʻyicha yillik qarz miqdorining yarmidan koʻpini tashkil etadigan summada foizlar hisoblash, vositachilik haqlari va neustoyka (jarima, penya) undirish, javobgarlikning boshqa choralarini qoʻllash taqiqlanadi”;
14-moddaning birinchi qismi:
quyidagi mazmundagi oltinchi xatboshi bilan toʻldirildi:
- “mikromoliyaviy xizmatlar koʻrsatish shartnomalari boʻyicha yillik qarz miqdorining yarmidan koʻpini tashkil etadigan summada foizlar hisoblashni, vositachilik haqlari va neustoyka (jarima, penya) undirishni, javobgarlikning boshqa choralarini qoʻllashni taqiqlash sharti”;
- oltinchi — oʻninchi xatboshilari tegishincha yettinchi — oʻn birinchi xatboshilar deb hisoblanadi.
Oʻzbekiston Respublikasining 2006 yil 20 sentyabrda qabul qilingan “Mikrokredit tashkilotlari toʻgʻrisida”gi OʻRQ–53-sonli Qonuni 13-moddasining uchinchi qismiga quyidagi qoʻshimcha va oʻzgartish kiritildi:
quyidagi mazmundagi toʻrtinchi xatboshi bilan toʻldirildi:
“mikromoliyaviy xizmatlar koʻrsatish shartnomalari boʻyicha yillik qarz miqdorining yarmidan koʻpini tashkil etadigan summada foizlar hisoblashga, vositachilik haqlari va neustoyka (jarima, penya) undirishga, javobgarlikning boshqa choralarini qoʻllashga”;
toʻrtinchi xatboshi beshinchi xatboshi deb hisoblanadi.
Oʻzbekiston Respublikasining 2016 yil 20 yanvarda qabul qilingan OʻRQ–400-sonli Qonuni bilan tasdiqlangan Oʻzbekiston Respublikasining Bojxona kodeksiga quyidagi oʻzgartish va qoʻshimchalar kiritildi:
15-moddaning ikkinchi xatboshisidagi “tegishli ruxsatnoma olgan” degan soʻzlar chiqarib tashlandi;
44-modda birinchi qismining:
- uchinchi va toʻrtinchi xatboshilari chiqarib tashlandi;
- beshinchi — yettinchi xatboshilari tegishincha uchinchi — beshinchi xatboshilar deb hisoblanadi.
72-modda birinchi qismining:
- uchinchi xatboshisi chiqarib tashlandi;
- toʻrtinchi — oltinchi xatboshilari tegishincha uchinchi — beshinchi xatboshilar deb hisoblanadi.
275-moddaning birinchi qismi:
quyidagi mazmundagi beshinchi — toʻqqizinchi xatboshilar bilan toʻldirildi:
- «bojxona rasmiylashtiruvi boʻyicha operatsiyalarni bajarish uchun bojxona nazorati zonasiga kirish;
- bojxona masalalari boʻyicha bojxona organlaridan axborot va maslahatlar olish;
- tovarlarni va (yoki) transport vositalarini bojxona hududidan olib chiqish niyati toʻgʻrisida bojxona organlarini xabardor qilish;
- dastlabki operatsiyalar amalga oshirilayotganda bojxona maqsadlari uchun zarur boʻladigan hujjatlarning loyihalarini tayyorlash;
- deklaratsiyalanadigan tovarlarni va (yoki) transport vositalarini bojxona omborlariga bojxona nazorati ostida joylashtirish»;
- beshinchi xatboshisi oʻninchi xatboshi deb hisoblanadi;
- 277-moddaning toʻrtinchi — yettinchi qismlari chiqarib tashlandi;
- 278, 279 va 280-moddalar chiqarib tashlandi.
282-modda birinchi qismining ikkinchi xatboshisi quyidagi tahrirda bayon etiladi:
- “deklarant yoki vakolatli shaxs oldidagi oʻz fuqarolik javobgarligini eng kam oylik ish haqining ming baravari miqdorida sugʻurtalashi”;
- 283-modda chiqarib tashlandi;
- 284-moddadagi “Oʻzbekiston Respublikasi Davlat bojxona qoʻmitasi tomonidan berilgan malaka attestatiga ega boʻlgan” degan soʻzlar chiqarib tashlandi;
- 285-modda chiqarib tashlandi;
- 286-modda birinchi qismining “ye” kichik bandi chiqarib tashlandi;
- 287-modda birinchi qismining “l” va “m” kichik bandlari chiqarib tashlandi;
291-modda birinchi qismining:
- sakkizinchi va toʻqqizinchi xatboshilari chiqarib tashlandi;
- oʻninchi va oʻn birinchi xatboshilari tegishincha sakkizinchi va toʻqqizinchi xatboshilar deb hisoblanadi;
- 336-moddaning birinchi qismidagi “278” raqami chiqarib tashlandi.
338-moddaning:
- ikkinchi xatboshisi chiqarib tashlandi;
- uchinchi — beshinchi xatboshilari tegishincha ikkinchi — toʻrtinchi xatboshilar deb hisoblanadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Nega Tramp Zelenskiyni yomon ko‘radi?
Zelenskiy: Rossiya Ukrainaning issiqlik energetikasini deyarli to‘liq yakson qildi
Qondagi shakar miqdorini tartibga soluvchi foydali meva nomi aytildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
