2019 yil boshida O‘zbekiston prezidenti Shavkat Mirziyoyevni davlat tashrifi bilan Belgiya poytaxti Bryusselda kutishmoqda, deb RIA Novosti Yevropa parlamenti deputati Iveta Grigule-Petersening bayonotiga asoslanib xabar qildi.
Toshkentda “O‘zbekiston-YeI” hamkorlik parlamenti qo‘mitasining 14-majlisi bo‘lib o‘tmoqda. Yevropa parlamentining Markaziy Osiyo davlatlari va Mo‘g‘iliston bilan aloqalari bo‘yicha raisi Iveta Grigule-Peterse Yevropa delegatsiyasiga boshchilik qilmoqda.
“Bryussel prezidentingizni kutmoqda va bu kelasi yilning boshida bo‘lganda maqsadga muvofiq bo‘lardi”, - deya majlisni ochdi Grigule-Peterse.
Yevropa deputati Mirziyoyevning tashrifi O‘zbekiston va Yevropa Ittifoqi o‘rtasidagi hamkorlikni yaqin 5-10-yillarga belgilab olishga imkon beradi deb hisoblaydi.
“Tashrif yana bir yilga keyinga qoldirilishi kerak emas. Men olib kelgan “External Action Service”ning istagi shu”, -deb qo‘shimcha qildi deputat.
U Yevropa Ittifoqida Mirziyoyevning 8-9-oktyabr kuni Fransiyaga amalga oshirgan tashrifini diqqat bilan kuzatishganini va ushbu tashrif juda muvaffaqiyatli o‘tganini ma’lum qildi.
Joriy yilning iyul oyida YeI Kengashi O‘zbekiston bilan kengaytirilgan hamkorlik va sherikchilik to‘g‘risidagi muzokaralar olib borishni rasman ma’qullagandi.
Kengashning fikricha, bu qulay ish va investitsion sharoitini yaratishga ko‘maklashadi va iqlimni o‘zgarishi, terrorizmga qarshi kurashish singari global chaqiriqlarga va tashqi siyosiy masalar bo‘yicha hamkorlik qilishni ta’minlaydi.
O‘zbekiston va Yevropa Ittifoqi o‘rtasidagi hamkorlik va sherikchilik to‘g‘risidagi avvalgi bitim 1996 yilda imzolangan va 1999 yilning 1 iyulidan kuchga kirgan.
O‘zbekistonda 2012 yilda YeIning diplomatik vakolatxonasi ochilgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Sirdaryoda budjetga juda ko‘p miqdorda zarar yetkazgan mayning ferma aniqlandi
