Foto: BBC
BBC Toshkentdagi osh markazidan reportaj tayyorladi deb xabar beradi “Xalq soʻzi” nashri.
“Oʻzbeklarda koʻrdingmi osh, koʻtarma bosh degan ibora bor”, - deya boshlanadi ushbu videolavha.
«Toshkentdagi osh markaziga mushtariylar xuddi shunday qilish uchun kelishadi. Osh markazi - shaharning oʻziga xos goʻshasi. Erta tongdanoq oshpazlar beshta ulkan qozonda osh tayyorlashga kirishadilar. Har bir qozonga 50 kilogrammdan koʻproq guruch ketadi. Toshkent va Oʻzbekiston boʻylab bu kabi palov markazlari koʻp. Lekin, aytishlaricha, xuddi mana shu markazning palovi mazasi va miqyosiga yetadigani boshqa yerda topilmaydi. Birinchi qozondagi palov esa soat 11 larga tayyor boʻladi. Keyin har soatda bittadan qozonni ochishadi.
Shu qadar koʻp miqdorda tayyorlangan boʻlsa ham, palov bir necha soatning ichida tugab ketadi. Bu yerda asosan ikki xil palov damlanadi. Birinchisi toshkentcha toʻy palovi. Ikkinchisi Fargʻona vodiysining devzira guruchidan qilinadigan palov. Aslida Oʻzbekiston boʻylab har bir xududning oʻziga xos alohida palovi bor. Samarqand palovi Buxoronikidan, Fargʻona palovi Xorazmnikidan, Toshkent palovi Surxondaryonikidan farq qiladi. Taniqli olim Karim Mahmudov oʻzbek taomlari haqida yozgan kitobida palovning 60 turi borligini aytib oʻtgan. Palov haqidagi iboraning ikkinchi qismini esa aytmay qoʻya qolaylik. Toshkentdagi osh markazi borib qolsangiz, u yogʻini endi mushtariylardan eshitib qolarsiz», — deyiladi lavhada.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyada maktab o‘quvchilari ommaviy ravishda islom dinini qabul qilmoqda
O‘zbekistonda o‘tgan uch oyda qancha avtomobil ishlab chiqarilgan?
Amerikalik olimlar barcha uchun birdek foydali jismoniy faollik turini aniqladi
Germaniyaning Knauf kompaniyasi Rossiyadan butunlay chiqib ketishini tasdiqladi
Eron prezidenti jiddiy bayonot berdi: «Isroildan hech narsa qolmaydi»
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi