Prezident Shavkat Mirziyoyev ziyolilar bilan uchrashuv vaqtida maktab o‘quvchilarning paxta terimi va boshqa turdagi ishlarga majburiy olib chiqilishining to‘xtatilgani sohaga bo‘layotgan e’tibor endilikda xalq ta’limi tizimida katta o‘zgarishlarni boshlashi kerakligi haqida gapirdi.
«20-30 yil nima bilan shug‘ullandik? 6 oy paxta, g‘alla bilan shug‘ullandik. Bunda qanaqa o‘qish bo‘lishi mumkin? Biz o‘qigan paytda o‘quvchilar sentabrning birinchisidan paxtaga olib ketilib, 28 dekabrda qaytarilardi. Mana shunday o‘qiganmiz. Nima uchun 6 oy?
O‘quvchilar 2 oy paxta chopiqqa ham chiqarilardi. Shunday tizimda o‘qigan o‘quvchidan qanday fanni so‘rash mumkin? O‘qituvchilar paxtadan kelib kelgusi yil paxta xayoli bilan yashardi», dedi davlat rahbari 31 yanvar kuni Davlat geologiya va mineral resurslar qo‘mitasida olimlar, ilmiy-tadqiqot muassasalari rahbarlari va ishlab chiqarish sektori vakillari bilan uchrashuv chog‘ida.
Prezident so‘nggi yillarda bu holatlarga barham berilganini ta’kidlab o‘tdi.
«Biz yuz yilgi tizimni ikki yilda olib tashladik. Birorta maktab o‘quvchisi paxtaga borayotgani yo‘q. Albatta, bu og‘ir edi, lekin shu qarorni qabul qila oldik. Bo‘lar ekan-ku. Paxtaning kimga keragi bor, u kimga manfaat olib keldi? Millatimizga manfaat olib kelgani yo‘q. Balo, azob olib keldi. «O‘zbek ishi», boshqa ishlar. Mehnatimizga tuhmatlar bo‘ldi.
Men nega bularni sizlarga aytyapman? Oldimizda turgan ishlarimizni faqat o‘zimiz qilamiz. Boshqa birov qilib bermaydi», deydi Shavkat Mirziyoyev. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
