Buyuk Britaniyaning mashhur “Telegraph” gazetasida Sara Uilerning Buyuk Ipak yo‘lida joylashgan ko‘hna va navqiron Samarqand, Buxoro hamda Xiva shaharlari bo‘ylab sayohati haqida maqola chop etildi. Bu haqda "Dunyo" AA xabar berdi.
Jurnalist O‘zbekistonning sayyohlik salohiyati haqida so‘z yuritarkan, mamlakatimizni shu kunga qadar yetarlicha kashf qilinmagan “Yorqin nur taraladigan diyor” deya ta’riflaydi.
Muallifning O‘zbekiston bilan yaqindan tanishish maqsadidagi safari Samarqanddan boshlanadi. Shohi Zinda majmuasida bo‘lgan Sara Uiler maqbaralardagi marjon-yashil ranglar jilosini tasvirlab, o‘quvchini me’moriy inshootlar derazalaridan tushayotgan quyosh nurining g‘isht qoplamalarda tovlanishidan zavqlanishga taklif qiladi.
Xususan, maqolada shunday keltiriladi: “Qusam ibn Abbos maqbarasidan chiqar ekansiz, Shohi Zinda majmuasining uzun yo‘lagi ko‘z o‘ngingizda namoyon bo‘ladi. Temuriylar me’morchiligi dunyoda betakrordir. U o‘z go‘zalligi bilan sizni maftun etmay qolmaydi. Samarqandda, shuningdek, Amir Temurning nefrit toshli, gumbazsimon frizlar bilan o‘ralgan va naqshlar tushirilgan maqbarasi ham bor”.
Britaniyalik muallif Registonni ulug‘vorlik kasb etgan madrasalar maydoni, uning shimoli-sharqida joylashgan Bibixonim maqbarasini esa ranglar mo‘’jizasi, deb e’tirof etadi.
Shundan so‘ng sayyoh Buxoroga borgani, u yerda shahar manzarasi va Somoniylar maqbarasi bilan tanishgani haqida tasvirlaydi. Uning aytishicha, tong saharda maqbara g‘ishtlari aniq aks etib, oqish rangda jilolanadi.
“Maqbaradan uncha uzoq bo‘lmagan masofada hayratlanarli Minorai Kalon joylashgan. Buxoro uzoq yillar davomida Markaziy Osiyoning ilm-fan, diniy va madaniy markazi bo‘lib kelgan”, deydi jurnalist.
Xiva britaniyalik sayyohning O‘zbekiston bo‘ylab safari yo‘nalishida so‘nggi manzil bo‘ldi.
“Ichan qal’a” majmuasining baland devorlari botayotgan quyosh nurida och-sarg‘ish rangda namoyon bo‘ladi. Bu yerda odamlar kechki mahal yulduzlarga to‘la osmon ostidagi madrasalar oralab sayr qiladi”, deya o‘z taassurotlari bilan o‘rtoqlashadi S. Uiler. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Sirdaryoda budjetga juda ko‘p miqdorda zarar yetkazgan mayning ferma aniqlandi
Buxoro viloyatida «Neksiya-3» avtomashinasi buklanib qoldi
Erdo‘g‘on: «Isroil Gitlerdan ham o‘tib ketdi»
Davlat xavfsizlik xizmati maklerlarga qo‘shib mansabdorlarni ham qo‘lga oldi
Sensatsiya! U23 Osiyo Kubogi 2-turida Indoneziya Avstraliyani mag‘lubiyatga uchratdi
Ukraina 100 km dan ortiq parvoz masofasiga ega kamikadze dronini yaratdi