19:30 / 23.08.2021
3 507

«O‘zgidromet» havo harorati qachon pasayishini ma’lum qildi

«O‘zgidromet» havo harorati qachon pasayishini ma’lum qildi
Ushbu haftada O‘zbekiston hududida avgust oyining oxirgi o‘n kunligiga xos bo‘lgan, asosan, kam bulutli issiq ob-havo, kuchsiz, ba’zi joylarda biroz esadigan shamollar ustunlik qiladi, deb xabar bermoqda «O‘zgidromet».

Tog‘li hududlarda, asosan, tinch ob-havo bo‘lishi kutilmoqda. Faqat Toshkent viloyati va Farg‘ona vodiysi viloyatlarida 23—24 avgust kunlari tog‘ va tog‘ oldi hududlarda mahalliy momaqaldiroqli yomg‘irlar yog‘ishi mumkin.

Haftaning birinchi yarmida respublika hududida me’yordan 2-3 darajaga yuqori bo‘lgan issiq ob-havo saqlanib turadi va faqat haftaning ikkinchi yarmida harorat foni asta-sekin pasayishni boshlaydi. Hafta davomida harorat kechalari 17-22 daraja, kunduz kunlari 23—26 avgustda 33-38 daraja, 27—28 avgustda 31-36 daraja atrofida bo‘ladi.

Eslatib o‘tamiz, 18 avgust, chorshanba kunidan salqin havo massasi O‘zbekiston hududidan chekinib, uning o‘rniga Eron hududlaridan nisbatan issiq ob-havo kirib kelgandi. «O‘zgidromet» havo harorati yana ko‘tarilishi kutilayotganini ma’lum qilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » «O‘zgidromet» havo harorati qachon pasayishini ma’lum qildi
[/banner_pushhouse