Rossiyaning Sankt-Peterburg shahrida o‘tkazilgan boks bo‘yicha Gubernator kubogi turnirida O‘zbekiston terma jamoasining uch nafar bokschisi ishtirok etishdi. Ulardan ikki nafari oltin medalga ega chiqdi, uchinchisi kumush medal oldi. Bu haqda Kun.uz xabar berdi.
60 kg vazn toifasida O‘zbekiston sharafini himoya qilayotgan Shunqor Abdurasulov finalda mezbonlar vakili Ruslan Batmanovga qarshi ringga chiqdi. U raqibga hech qanday imkon qoldirmadi va O‘zbekiston hisobiga oltin medal keltirdi.
75 kg vazn toifasida ishtirok etgan Isroil Madrimov esa rossiyalik Yakub Zuber bilan jang qilib, uni katta ustunlik bilan mag‘lub etdi va terma jamoa hisobiga ikkinchi oltin medalni olib keldi.
Bundan tashqari Isroil Madrimov musobaqaning eng yaxshi bokschisi deya e’tirof etildi va unga gubernator Georgiy Poltavchenkoning o‘zi kubok topshirdi.
O‘zbekistonning finaldagi uchinchi vakili Sanjar Tursunov esa kumush medal bilan kifoyalanishga majbur bo‘ldi. U mezbonlar vakili Magomed-Murad Arslanbekovga yutqazdi.
Shu tariqa, O‘zbekiston terma jamoasining barcha vakillari sovrindor bo‘ldi va terma jamoa eng yaxshi natijani ko‘rsatdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Sirdaryoda budjetga juda ko‘p miqdorda zarar yetkazgan mayning ferma aniqlandi
AQSH razvedkasi: Ukraina 2024 yil oxirigacha urushda yutqazishi mumkin
Xotirani yaxshilashning juda oddiy usuli topildi
“Yuventus” himoyasini titratib tashlagan Shomurodovning o‘yini qanday baholandi?
Biznes imkoniyatingizni kengaytiring
