Xalqaro shaxmat federatsiyasi shaxmat bo‘yicha mamlakatlar terma jamoalarining yangilangan reytingini e’lon qildi.
Reytingga 179 mamlakat kiritildi. Ro‘yxat har bir mamlakatning 10 nafardan eng yaxshi erkak va ayol shaxmatchilari reytingi asosida tuzildi.
O‘zbekiston erkaklar terma jamoasi reytingda 2517 ochko bilan 36-o‘rinda qayd etildi.
Reytingning 1-pog‘onasidan 2747 ochko bilan Rossiya o‘rin egallagan bo‘lsa, ikkinchi o‘rinda Xitoy (2709 ochko), uchinchi o‘rinda AQSH (2695) joylashgan.
O‘zbekiston ayollar terma jamoasi ham 36-o‘ringa joylashdi (2169 ochko).
Ayol shaxmatchilar borasida Xitoy 1-o‘rinda (2492 ochko), Rossiya 2-o‘rinda (2481 ochko) va Qatar kuchli uchlikni yakunlab beradi (2423 ochko).
Markaziy Osiyo davlatlari orasida O‘zbekiston erkaklar terma jamoasi birinchi o‘rinda. Keyingi o‘rinlarda Qozog‘iston, Turkmaniston, Qirg‘iziston va Tojikiston terma jamoalari joylashgan.
Ayol shaxmatchilar jamoasi esa ikkinchi o‘rinda qayd etildi. Birinchi o‘rinda Qozog‘iston joylashgan. Uchinchi o‘rin Turkmaniston, to‘rtinchi o‘rin Qirg‘iziston va beshinchi o‘rin Tojikiston ayol shaxmatchilariga nasib etdi.
O‘zbekiston erkaklar terma jamoasi reytingini grossmeyster Rustam Qosimjonov boshqarib bormoqda. Uning hisobida 2683 ochko bor. Ikkinchi o‘rinda Anton Filippov (2592), uchinchi o‘rinda Jahongir Vohidov (2532) joylashgan. E’tiborlisi, 14 yoshli Nodirbek Abdusattorov 2516 ochko bilan 4-o‘rindan joy egalladi.
O‘zbekistonning eng kuchli shaxmatchilari reytingida 16 yoshli Nodirbek Yakubboyev, 13 yoshli Javohir Sindorov, 15 yoshli Suhrobjon Avalboyevlarni ham uchratish mumkin.
O‘zbekistonning eng kuchli ayol shaxmatchisi sifatida Gulruhbegim Tohirjonova qayd etilgan. Uning hisobida 2329 ochko bor. Keyingi o‘rinlardan Nafisa Mo‘minova (2324) va Irina Gevorgyan (2273) joy olgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Buxoro viloyatida «Neksiya-3» avtomashinasi buklanib qoldi
Mojarodan so‘ng Ukrainani nima kutayotgani ma’lum bo‘ldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Shomurodov, navbat “Yuventus”ga!