Foto: «fifa.com»
Jahon chempionati doirasida bugun «F» va «E» guruhida yakunlovchi 3-tur o‘yinlari bo‘lib o‘tadi. E’tiboringizga «F» guruhi bahslari anonsini taqdim qilamiz.
«F» guruhi. Janubiy Koreya – Germaniya
Germaniya guruhdan chiqishi uchun g‘alaba qozonishi kerak. G‘alaba qozonganida ham imkon qadar yirikroq hisobni qayd etishi lozim. Shunda amaldagi jahon chempionlari narigi juftlik natijasiga qarab qolmaydi. Agar ikkinchi juftlikda Shvetsiya Meksikani yutib bersa, Germaniyada guruhda birinchi o‘ringa ko‘tarilish imkoni ham paydo bo‘ladi.
Ammo Janubiy Koreya ham osonlikcha taslim bo‘lmaydi, axir ularda ham minimal bo‘lsa-da, pley-offga chiqish imkoniyati saqlanib turibdi.
Germaniya bosh murabbiyi Yoaxim Lyov bu uchrashuvda diskvalifikatsiya olgan Jerom Boateng xizmatidan foydalana olmaydi. Shuningdek jarohati sabab Sebastyan Rudi ham maydonga tusha olmasligi mumkin.
Taxminiy tarkiblar
Janubiy Koreya: Cho Xyon U — Li Yon, Chan Xyon Su, Kim Yen Gvon, Kim Min U— Mun Son Min, Chu Se Djon, Ki Son Yen, Xvan Xi Chxan — Li Dje Son, Son Xin Min.
Germaniya: Noyer – Kimmix, Xummels, Ryudiger, Gektor – Gyundogan, Kroos – Myuller, Roys, Verner – Gomes.
Qiziqarli faktlar
- Jamoalar JChda ikki bor to‘qnash kelgan va Germaniya har ikkisida ham (1994 va 2002 yillar) g‘alaba qozongan.
- Janubiy Koreya o‘z uyida o‘tgan JChda (2002 yili) yarim finalgacha yetib borgan va aynan nemislar tomonidan to‘xtatilgan.
- Germaniya JChda Osiya jamoalari bilan 5 bor to‘qnash kelib, barchasida g‘alaba qozongan.
«F» guruhi. Meksika – Shvetsiya
Meksika ushbu mundialda ajoyib natija qayd etmoqda. Meksikaliklarning Germaniyani mag‘lub etishini kimam kutgan deysiz. So‘ng Janubiy Koreya mag‘lub etildi va hozircha 100 foizlik natija bilan 6 ochko qo‘lga kiritilgan. Shu holatida ham Meksika guruh bosqichida qolib ketishi mumkin! Agar bugun Shvetsiya va Germaniya g‘alaba qozonsa, uchala jamoada ham 6 ochkodan yig‘iladi va urilgan gollar hisob-kitob qilinadi. Bu esa Meksika foydasiga bo‘lmasligi mumkin.
Demak, bu guruhda to‘rtala jamoada ham imkoniyat saqlanib qolgan va bu uchrashuvlar qizg‘in o‘tishini ta’minlaydi.
Taxminiy tarkiblar
Meksika: Ochoa – Alvares, Salsedo, Moreno, Galyardo – Errera, Guardado – Layyun, Vela, Losano – Chicharito.
Shvetsiya: Olsen – Lyustig, Lindelef, Grankvist, Augustinsson – Klasson, Larsson, Ekdal, Forsberg – Toyvonen, Berg.
Qiziqarli faktlar
- Meksika va Shvetsiya o‘zaro 9 marotaba uchrashishgan, shundan faqat bir marta JCh doirasida o‘yin o‘tkazilgan unda (1958 yili) shvedlar ustun kelishgan – 3:0.
- O‘zaro o‘rtoqlik uchrashuvlarining so‘nggi beshtasidan faqat bittasida Meksika shvedlarga mag‘lub bo‘lgan.
- Meksika JCh tarixida hali biror marta ketma-ket uch marta g‘alaba qozonmagan. Bugun bu ishni uddalay olsa, ketma-ket uch g‘alabaga erishgan KONKAKAFning birinchi jamoasiga aylanadi.
Uchrashuvlar vaqti
19:00 Janubiy Koreya – Germaniya
19:00 Meksika – Shvetsiya
Manba: Xabar.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Sirdaryoda budjetga juda ko‘p miqdorda zarar yetkazgan mayning ferma aniqlandi
Erdo‘g‘on: «Isroil Gitlerdan ham o‘tib ketdi»
Davlat xavfsizlik xizmati maklerlarga qo‘shib mansabdorlarni ham qo‘lga oldi
Buxoro viloyatida «Neksiya-3» avtomashinasi buklanib qoldi
“Tolibon” Eronning Isroilga qarshi hujumini qo‘llab-quvvatladi
G7 vazirlari Ukraina va Yaqin Sharqdagi urushlarni muhokama qildi
