“Bunyodkor” – “Navbahor” uchrashuvida koʻplab televizor, changyutgich va telefon oʻynaladi

Oʻzbekiston chempionati Superligaining 25-turida “Bunyodkor” oʻz maydonida “Navbahor”ni qabul qiladi. Ushbu oʻyin 3 oktyabr (chorshanba) kuni “Milliy” stadionda soat 20:00da boshlanadi.

Shu kuni stadionga kelgan tomoshabinlardan eng omadlilari uylariga bir qancha televizor, changyutgich hamda uyali aloqa telefoni bilan qaytishga muvaffaq boʻladilar. “Bunyodkor” futbol klubi tomonidan taʼsis etilgan sovgʻalar sifatida muxlislar uchun koʻngilochar aksiyada aynan shu qimmatbaho sovrinlar oʻynaladi. Xuddi shunday aksiyalar “Bunyodkor”ning mavsum oxirigacha boʻlgan barcha uy bellashuvlarida ham albatta tashkil etiladi.

“Bunyodkor” - “Navbahor” uchrashuviga kirish chiptalari narxi – 10.000 soʻm. CIP toifa chiptalar esa – 20.000 soʻm. Chiptalarni stadion kassalaridan sotib olishingiz mumkin. “Zamin” yangiliklarini “Facebook”da kuzatib boring