OʻFA Olimpiya terma jamoasiga Ispaniyadan bosh murabbiy qidirishni boshladi

Biz olgan maʼlumotlarga koʻra, OʻFA raxbariyati Tokio-2020 Olimpiadasi saralash bosqichi avvalidan xorijlik murabbiy izlashni boshladi.

Bundan avval OʻFA Olimpiya termasiga Mirjalol Qosimovni bosh murabbiy sifatida eʼlon qilgan edi. Maʼlumotlarimizga koʻra, mutaxassis va tashkilot oʻrtasida shartnoma imzolanmagan ekan.

«Olimpiadaga yoʻllanma beruvchi U23 yoshlar oʻrtasidagi Osiyo chempionati 2020 yilning yanvarida Tailandda oʻtkaziladi. Qitʼa chempionatiga borish uchun saralash turniriga esa kelgusi yilning mart oyida Toshkent shahri mezbonlik qiladi.

Biz Mirjalol Qosimovni Toshkentda oʻtadigan turnirgacha futbolchilarni saralab, ular bilan mashgʻulot oʻtkazish uchun jamoaga murabbiy qilib tayinlaganmiz.

Lekin avval boshdan bu lavozimga ham chet eldan tajribali murabbiylardan birini tayinlash uchun muzokaralar olib borayotgan edik.

Ayni paytda 3-4 nafar nomzoddan birini tanlash borasida yagona toʻxtamga kelishimiz kerak. Muzokaralar biz kutganimizdan-da tezroq hal boʻlmoqda. Bir oylarda Ispaniyadan olimpiya terma jamoasiga yangi bosh murabbiy taklif qilinadi.

Milliy terma jamoa bosh murabbiyi Ektor Kuper ham vaziyatdan xabari bor. U ham Ispaniya futbol bozorini yaqindan biladigan mutaxassis sifatida shu joyga murojaat qilishimizni maʼqullagan», — degan U.Ahmadjonov “Zamin” yangiliklarini “Vkontakti”da kuzatib boring